وەزارەتی گواستنەوەی عیراق: ژمارەی گەشتی فڕۆكەكان بە ئاسمانی وڵاتدا ئاستی پێوانەیی تۆماركردووە
ئاکام
٦ی تەمووزی ٢٠٢٥
وەزارەتی گواستنەوەی عیراق ئاشكرایكرد، ژمارەی گەشتی فرۆكەكان بە ئاسمانی عیراقدا رۆژانە زیاتر لە 700 گەشتی تێپەڕاندوە و ئەمەش زۆرترین گەشتە كە بە ئاسمانی وڵاتدا كرابێت.
وەزارەتی گواستنەوەی عیراق لە راگەیەنراوێكدا ئاماژەی بەوەكردووە، تێپەڕبوونی فرۆكە بە ئاسمانی عیراقدا زیادیكردووە و گەیشتووەتە ئاستێکی پێوانەیی، بەجۆرێك كە لە ئێستادا و لە رۆژێكدا 700 فرۆكە بە ئاسمانی وڵاتدا تێدەپەڕن، ئەمەش رۆڵی هەیە لە گەشەسەندنی ئابوری و هێڵی فڕۆكەوانی عیراقدا دوای ئەوەی ناوچەكە گرژی و ئاڵۆزی بە خۆوە بینی.
دەشڵێت، پێشتر ژمارەی گەشتە ئاسمانییەكان بە ئاسمانی عیراقدا لە 600 گەشت تێنەپەڕیوە و ئێستا گەیشتوەتە زیاتر لە 700 گەشت و ئەمەش پەیوەندی هەیە بە پلان و بەرنامەی حكومەتەوە بۆ بەرەوپێشبردنی كەرتی گواستنەوە و گەیاندن.