بەڕێوەبەرایەتیی کەشناسیی هەرێم لەبارەی گۆڕانی کەشوهەوا و بارانبارینەوە راگەیەنراوێکی بڵاوکردەوە و هۆشداریش لە بەرزبوونەوەی ئاستی ئاوی رووبار و چەمەکان دەدات.

لە راگەیەنراوەکەدا هاتووە: لە سبەینێ پێنجشەممە، 5ـی 11ـی 2026ـەوە شەپۆلێکی بارانبارین تەواوی ناوچەکانی هەرێمی کوردستان دەگرێتەوە.

ئاماژە بەوەشکراوە، پێشبینی دەکرێت بارانبارینەکە تاکو هەفتەی داهاتووش بەردەوامبێت و شەممەی داهاتووش، لە سلێمانی 25 بۆ 30 ملیم و لە گەرمیان و هەولێریش 20 بۆ 30 ملیم باران ببارێت.

هۆشداریی ئەوەشی داوە، پێویستە هاوولاتیان ئاگادار بن چونکە ئەگەری بەرزبوونەوەی ئاستی ئاو لە رووبار و چەمەکان هەیە.

بێستون سەلام، پەیامنێری کوردسات نیوز رایگەیاند: موچەی مانگی 10ـی موچەخۆرانی هەرێم خەرجکرا.

بەپێی زانیارییەکانی کوردسات نیوز: موچەی مانگی 10ی موچەخۆرانی هەرێم خراوەتە سەر هەژماری وەزارەتی دارایی هەرێم، هەروەها ئەمڕۆ لیستی دابەشکردنی موچە بڵاودەکرێتەوە و سبەینێ دەست بە دابەشکردن دەکرێت.

نوێدەکرێتەوە...

بۆ یەکەمجار لە ئەمریکادا ژنێکی رەشپێست مێژوو بۆ خۆی تۆمار دەکات و دەبێتە حاکمی ویلایەتی جۆرجیا و کۆتایی بەدەستەڵاتێکی 24 ساڵەی کۆمارییەکان لەو ویلایەتە هێنا.

لە هەڵبژاردنەکانی نیوەی خولی کۆنگرێسی ئەمریکادا، کیشا لانس بوتۆمز (کاندیدی دیموکراتەکان) توانی سەرکەوتنێکی مێژوویی لە ویلایەتی جۆرجیا تۆمار بکات و ببێتە یەکەم ژنی رەشپێست لە مێژووی ئەمریکادا کە پۆستی حاکمی ویلایەتێک بەدەستبهێنێت.

ئەم سەرکەوتنە جگە لەوەی شکاندنی کۆتوبەندە مێژووییەکانە، کۆتایی بە 24 ساڵ دەسەڵاتی کۆمارییەکانیش هێنا لەو ویلایەتەدا، سەرەڕای ئەوەی رکابەرەکەی ملیاردێر بوو، زیاتر لە 200 ملیۆن دۆلاری خەرج کردبوو و پشتگیری دۆناڵد ترەمپی هەبوو.