کوردسات نیوز
٢٤ی ئابی ٢٠٢٢
لە ڕاگەیەنراوێکدا ئەنجومەنی باڵای دادوەری ئاماژەی بەوەکردووە، دادگای لێکۆڵینەوەی تایبەتمەند بە پێداچوونەوەی دۆسیەکانی دەستپاکی لە دادگای رەسافە، فەرمانی دەستگیرکردنی بۆ پارێزگاری پێشووی سەلاحەدین و ژمارەیەک لە فەرمانبەران دەرکردووە.
ڕونیشیکردووەتەوە، بەپێی ماددەی ٣٤٠ لە یاسای سزادان فەرمانی دەستگیرکردنەکە دەرچووە و پەیوەستە بە بوونی گومانی گەندەڵی و سەرپێچی لە پڕۆژەی پەرەپێدانی ئەمنی پارێزگای سەڵاحەدین.
نوێترین هەواڵەکانپەرلەمانی توركیا رێككەوتننامەی مەككەی پەسەند كرد بەمەبەستی پێشكەشكردنی پاڵپشتیی سەربازی بۆ سعودیە.
پەرلەمانی توركیا رێككەوتننامەی مەككەی بۆ بەرگریی هاوبەشی پەسەند كرد كە لە نێوان پاكستان، سعودیە و توركیادا ئیمزاكراوە،ئەم هەنگاوەش ڕێگە خۆش دەكات بۆ ئەوەی ئەنكەرە پاڵپشتیی سەربازی پێشكەش بە ڕیاز بكات.
ئەم سێ هێزە هەرێمییە لە مانگی ئابی ڕابردوودا ڕێككەوتننامەكەیان ئیمزاكرد، و مانگی رابردووش ئاڕاستەی پەرلەمانی توركیا كرا بۆ پەسەندكردنی.
زیا ئاڵتون یەڵدز، پەرلەمانتاری پارتی داد و گەشەپێدان رایگەیاند، ئامانجی ئەم ڕێككەوتنە بەهێزكردنی هاوكاریی ئاسایشە لە ناوچەكەدا. جەختیشی كردەوە، ئامانجی سەرەكیی رێككەوتنەكە ڕێگریكردنە لە ململانێكان، نه ك فراوانكردنیان
سەرۆكی ئەمریكا رایگەیاند، رەنگە ناچار بێت ئەو بەشەی لە ئێران ماوەتەوە تێكی بدات، دەشڵێت سەرقاڵی ئامادەكردنی رێككەوتنێكی ئاسایشی گەورەن لە ئەوروپادا.
دۆناڵد ترەمپ سەرۆكی ئەمریكا لە لێدوانێكی ڕۆژنامەوانیدا جەختی كردەوە، ئەمریكا رێگە بە ئێران نادات ببێتە خاوەنی چەكی ئەتۆمی
ئاماژەی بەوەشدا، هەرچەندە ئەو حەز بەوە ناكات ئێران بە تەواوەتتی تێكبدات بەڵام رەنگە ناچار بێت ئەو توانایانەی ئێران كە ماونەتەوە تێكیان بدات. بەمزووانە دەزانن بەنیازی چی بڕیارێكین سەبارەت بە ئێران.
سەبارەت بە ئۆكراین، ترەمپ ئاماژەی بەوەدا، لەگەڵ نوێنەری تایبەتی سەرۆكی روسیا كۆبووەتەوە و روونیكردەوە، واشنتۆن خەریكی ئامادەكردنی رێككەوتنێكی ئاسایشی گەورەیە لەگەڵ روسیادا لە ئەوروپا كە چوارچێوەی ئۆكراینیش تێدەپەڕێنێت.
شەڕ و پێکدادان لە نێوان چەند ئەندامێکی دژە تیرۆری عیراقی و مەفرەزەیەکی حەشدی شەعبی لە شاری کەرکوک رویدا، و لە ئەنجامدا دوو کەس کوژران و دوو کەسی تریش برینداربوون.
سەرچاوەیەکی باڵای ئەمنی بە کوردسات نیوزی راگەیاند، شەوی رابردوو لە شەقامی کۆڕنیشی شاری کەرکوک، گرژی و ئاڵۆزی لە نێوان چەند کارمەندێکی دژە تیرۆری عیراقی و مەفرەزەیەکی حەشدی شەعبیدا دروستبووە و دواتر شەڕەکە پەرەی سەندووە بۆ بەکارهێنانی چەک و رووبەڕووبوونەوەی چەکداری لە نێوان هەردوولادا.
بەپێی زانیارییەکانی کوردسات نیوز، هۆکاری سەرەکی دروستبوونی ئەو شەڕە دەگەڕێتەوە بۆ کێشەیەکی کەسی، لە ئاکامی پێکدادانەکەشدا هاووڵاتییەک و ئەندامێکی حەشدی شەعبی گیانیان لەدەستداوە، هەروەها هاووڵاتییەک و ئەفسەرێکی تریش بریندار بوون.
سەرچاوە ئەمنییەکە ئاماژەی بەوەشکرد، لە ئێستادا دۆخەکە کۆنتڕۆڵ کراوە و تۆمەتبارانی هەردوولا لەلایەن هێزە ئەمنییەکانەوە دەستگیرکراون و لێکۆڵینەوە لە روداوەکە دەستپێکردووە.
