وەزارەتی کارەبای هەرێم رایگەیاند، قەرزی پێش روناکی  زیاتر لە 500 هەزار هاوبەشە و لە 24 مانگدا بە ذشێوەی قیست پارەکانیان لێوەردەگیرێتەوە، کە 90 هەزاریان کەمتر لە پێنج هەزاردینار قەرزدارن.

وەزارەتی کارەبا ئاماژەی بەوەکردوە، ئەو هاوبەشانەی قەرزی پێش روناکیان لایە، لە گەڵ هاتنەوەی یەکەم پسوڵە، دەبێت قیستی یەکەمی ئەو پارەیەی بدەن کە لەلایانە.

وەزارەتی کارەبای هەرێم دەڵێت؛ ئەم بڕیارە لە پاش داشکاندنە ناوازەکەی پێشوو دێت، کە تێیدا ملیۆنێک هاوبەش لە 400 ملیار دینار لێخۆشبوون سوودمەند بوون

بەپێی رێکارە نوێیەکان، پسوولەی مانگانەی هاوبەشانی قیستکراو هەردوو پسوولەی روناکی و قیست لەخۆدەگرێت و دەبێت لە ماوەی 50 رۆژدا بدرێن، هەروەها بۆ کارئاسانی هاوبەشان سنورێکی مانگانە بۆ قیستەکان دیاریکراوە لە ( 20,000 تا 100,000 دینار) بۆ ماڵان و کشتوکاڵی.

لە ئەگەر تەواو نەبونی قەرزەکە لەو ماوەیەی وەزارەتی کارەبا دایناوە،  کارەبای هەرێم دەڵێت؛  ماوەی قیستەکە بۆ مانگەکانی دواتر درێژتر دەکرێتەوە

وەزارەتی کارەبای هەرێم ئەوەشی خستوەتەڕوو، زیاتر لە 90 هەزار هاوبەش تەنها پێنج هەزار دینار قەرزدارن و لەگەڵ یەکەم قیستدا قەرزیان لانامێنێت.

كەسكین بایندەر، هاوسەرۆكی گشتیی دەبەپە، جەختی لەوە كردەوە كە كۆتاییهاتن بە تێكۆشانی چەكداری بە مانای ئەوە نایەت كە پرسی كورد چارەسەر بووە و دووپاتیكردەوە، عەبدوڵا ئۆجەلان لە سەردەمی جیاوازدا بۆ چارەسەریی ئاشتییانە هەوڵیداوە.

بایندەر ئەوەشی خستوەتەڕوو،  ئۆجەلان داوای كردووە، دەبێت لە باشووری كوردستان یەكێتیی نەتەوەیی بەهێز بكرێت.

ئاماژەی بەوەشدا كە دەبێت دەوڵەت بەرپرسیاریەتییەكانی خۆی بەجێبگەیەێت و ناسنامەی كورد لە دەستووردا مسۆگەر بكرێت، مافی خوێندن بە زمانی كوردی بناسرێت، ئازادیی سیاسەتی دیموكراتیك و رێكخستنبوون مسۆگەر بكرێت.

هەروەها  بەڕێوەبەرییە خۆجێیەكان بەهێز بكرێن و ئەو یاساییانەی، كە بنەمای سیاسەتی لەناوبردن و نكۆڵی دادەمەزرێنن، بگۆڕدرێن.

هاوسەرۆكی دەبەپە جەختیشیکردوەتەوە، کە عەبدوڵا  ئۆجەلان نامەی بۆ حیزبە سیاسییەكانی هەرێم ناردووە و نامەكەشیان گەیاندووەتە  بافڵ جەلال تاڵەبانی و نێچیرڤان بارزانی 

بریكاری وەزارەتی نەوتی عیراق ئاشكرایدەكات، رێكارەكانی ناردنی نەوتی سپی بۆ هاووڵاتیانی هەرێمی كوردستان كۆتایییانهاتووە و لە نزیكترین كاتدا رەوانە دەكرێت.

عیزەت سابیر، بریكاری وەزارەتی نەوتی عیراق بە پامنێری كوردسات نیوزی راگەیاند، وەزارەتەكەیان تەواوی ئامادەكارییەكانی تەواو كردووە بۆ ناردنی ئەو 50ملیۆن لیتر نەوتەی كە بڕیاری لێدرابوو بۆ هەرێمی كوردستان.

ئاماژەی بەوەشدا، لە ئێستادا تەنها چەند رێكارێكی كەم لە پرۆسەی گواستنەوەی نەوتەكەدا ماوەو جەختیكردەوە، بە ئەگەرێكی زۆرەوە لەم هەفتەیەدا ئەو بەشە نەوتەی عیراق دەگاتە هەرێمی كوردستان.

ئەمە لەكاتێكدایە، لە دوای هەوڵەكانی فراكسیۆنی یەكێتی لە ئەنجومەنی نوێنەرانی عیراق، عەلی زەیدی سەرۆك وەزیرانی عیراق رەزامەندیدا لەسەر ناردنی 50 ملیۆن لیتر نەوتی سپی بۆ ماڵان.

لای خۆیەوە هەرێم كەمال ئاغا سەرۆكی فراكسیۆنی یەكێتی رایگەیاند، وەزیری نەوتی عیراق بڕیاریدا لە داهاتوودا بڕە نەوتی دیكە رەوانەی هەرێم بكات.