ھاشم رکابی، بەڕێوەبەری نوسینگەی نوری مالکی، سەرۆکی ھاوپەیمانی دەوڵەتی یاسا بە کوردسات نیوزی راگەیاند، سبەی چوارشەممە، لە شاری نەجەف موقتەدا سەدر، رێبەری رەوتی سەدر لەگەڵ وەفدێکی چوارچێوەی ھەماھەنگی شیعەکان کۆدەبێتەوە کە پێکھاتوون لە ھادی عامری و قەیس خەزعەلی و فالح فەیاز. بەپێی لێدوانەکەی رکابی، نوری مالکی بانگھێشتی کۆبوونەوەکە نەکراوە.
کۆبوونەوەکەی موقتەدا سەدر و چوارچێوەی ھەماھەنگی بۆ گفتوگۆکردنە لەبارەی رێککەوتنی شیعەکان بۆ پێکھێنانی کابینەی نوێی حکومەت. ئامادەنەبوونی مالکیش لە کۆبوونەوەکەدا، گومانەکان لەبارەی پەیوەندی ناجێگیری نێوان سەدر و مالکی زیاتر دەکات.