جەلیل عەدنان غەڵەف، سەرۆکی ئەنجومەنی کۆمیسیاران لە کۆمیسیۆنی باڵای سەربەخۆی ھەڵبژاردنەکانی عێراق، نوسراوێکی ئاڕاستەی د. بەرھەم ساڵح سەرۆک کۆمار کرد و داوایکرد، بە پشتبەستن بە دەستوور لە ماوەی ١٥ رۆژدا مەرسومی کۆماری بۆ کۆبوونەوەی ئەنجومەنی نوێنەران دەربکات و ئەندامێتی ٣٢٩ کاندیدە دەرچووەکەی ھەڵبژاردنی پێشوەخت لە ئەنجومەنی نوێنەران پەسەند بکات.
رۆژی دووشەممە دادگای باڵای فیدڕاڵیی عێراق، ئەنجامی کۆتایی ھەڵبژاردنی پێشوەختی پەسەند کرد و بەپێی دەستوور پێویستە لە ماوەی ١٥ رۆژدا ئەنجومەنی نوێنەران بە سەرۆکایەتی بە تەمەنترین پەرلەمانتار یەکەم کۆبوونەوەی خۆی ئەنجام بدات.