کوردسات نیوز
٢٦ی ئایاری ٢٠٢١
(بەشار ئەسەد) سەرۆکی ئێستای سوریا و کاندید بۆ وەرگرتنەوەی ھەمان پۆست، لە شاری (دۆما) بەشداری پڕۆسەی دەنگدانی ھەڵبژاردنی سەرۆکایەتی وڵاتەکەی کرد و لە وتەیەکیشدا ڕایگەیاند، گەلی سوریا سنورێک بۆ تیرۆر دادەنێن.
ئەسەد ڕەخنەشی لە ڕاگەیاندراوەکەی ئەمریکا و چوار وڵاتی ئەوروپا گرت، کە ھەڵبژاردنی سەرۆکایەتی سوریایان بە ناشەرعی و نا دادپەروەرانە وەسفکردبوو و ڕایگەیاند، ئەوەی ئەوان دەیڵێن ڕەوا نییە.
نوێترین هەواڵەکانبانكی ناوەندی عیراق رێنماییەكی نوێی بۆ ئەو كەسانە بڵاوكردووەتەوە كە ناویان بۆ بەجێگەیاندنی فەریزەی حەجی ئەمساڵ دەرچووەو دەڵێت، بە نرخی پاڵپشتیكراو دۆلاریان پێ دەفرۆشن.
دەشڵێت، ئەو كەسانەی فەریزەی حەج بەجێدەگەیەنن، بڕی دوو هەزار دۆلاریان بەنرخی بانكی ناوەندی پێدەدرێت، واتە بۆ هەر دۆلارێك هەزار و 320 دینار و لە 13ی ئەم مانگەشەوە بڕیارەكە جێبەجێ دەكرێت.
ئاماژەی بەوەشكردووە، پێویستە ئەو كەسە خۆی ئامادە بێت بۆ وەرگرتنی ئەو بڕە دۆلارە و هەموو مامەڵەكانیش لە رێگەی سەكۆی ئەلیكترۆنی FITR تۆمار بكرێن، تەنیا ئەوانەش سودمەند دەبن كە ناویان لە لیستی دەستەی باڵای حەج و عومرەی عیراقدا بڵاوكراوەتەوە.
وەزارەتی ناوخۆ راگەیەنراوێكی لە بارەی هێرشەكانی دوێنێ شەوی سەر هەرێمی بڵاوكردەوە و رایگەیاند، هەڵوێستی هەرێم لە سەرەتاوە پاڵپشتیكردن بووە لە ئاشتی و سەقامگیری.
راگەیاندراوێک لە وەزارەتی ناوخۆوە....
سەرەڕای ئەوەی هەڵوێستی حکومەتی هەرێمی کوردستان لە سەرەتاوە پاڵپشتیکردن لە ئاشتی و سەقامگیریی بووە و بەشێک نەبووە و نابێت لە شەڕ و گرژی، و سەرباری راگەیاندنی ئاگربەست لە ناوچەکە، شەوی پێنج شەممە ٩ی نیسانی ٢٠٢٦ و لە چەند کاتی جیاوازدا چەند هێرشێکی درۆنی کراونەتە سەر شوێنی جیاواز لە هەرێمی کوردستان و لە ئەنجام تێک شکێندراون و کەوتوون. هەرێمی کوردستان و هاووڵاتیان چاوەڕێی ئاسایی بوونەوەی دۆخەکەیان دەکرد، بەڵام بەداخەوە تیرۆیست و خراپەکاران کە چاویان بە ئارامی و پێشکەوتنی وڵاتەکەمان هەڵنایە، لە نانەوەی پشێووی بەردەوامن.
جەخت لە پشتگیری ئاشتی و ئۆقرەیی دەکەین و داوا لەهەموو لایەک دەکەین کە ئەو هێرشانە رابگرن و چیتر سەقامگیری و ئۆقرەیی کوردستان و بەرژەوەندییەکانی هاووڵاتیان نەکەنە ئامانج.
وەزارەتی ناوخۆی حکومەتی هەرێمی کوردستان
هەینی ١٠ی نیسانی ٢٠٢٦
سانای تاكایچی، سەرۆك وەزیرانی ژاپۆن ڕایگەیاند، وڵاتەكەی هەنگاوی كردەیی ناوە بۆ كەمكردنەوەی پشتبەستن بە گەرووی هورمز و پێشبینی دەكرێت تا مانگی ئایاری داهاتوو، زیاتر لە نیوەی هاوردەی نەوتی ژاپۆن لە ڕێڕەوگەلێكی جێگرەوە دابین بكرێت كە بە ناو ئەو گەرووەدا تێنەپەڕن.
تاكایچی ئاماژەی بەوە كرد، ئاڵۆزییەكانی ڕۆژهەڵاتی ناوەڕاست و گەمارۆكانی سەر گەرووی هورمز، بوونەتە هۆی دروستبوونی قەیرانێكی جیهانی لە دابینكردنی وزەدا، بۆ ئەم مەبەستەش تۆكیۆ پلانێكی هەمەجۆر جێبەجێ دەكات.
دەشڵێت، ژاپۆن سوود لەو بەندەرانەی رۆژهەڵاتی ناوەڕاست وەردەگرێت كە ناكەونە ناو گەرووی هورمز وەك بەندەری یەنبوع لە سعودیە و فوجەیرە لە ئیمارات.
ئەوەش لەكاتێكدایە، ژاپۆن و هیندستان بە دوو وڵاتی سەرەكی كڕیاری نەوت و پاڵاوتنی نەوتی خاو دادەنرێن لە جیهاندا.
