میراتگرانی خاوەنە رەسەنەکانی بینای باڵیۆزخانەی فەرەنسا لە بەغداد، کە خێزانێکی جولەکەی عێراقین، سکاڵایەکی یاساییان لە پاریس تۆمار کردووە و داوای قەرەبوویەک بە بڕی 21 ملیۆن و 500 هەزار یۆرۆ لە دەوڵەتی فەرەنسا دەکەن، وەک کرێی نەدراوی زیاتر لە 50 ساڵی ڕابردووی بیناکە.

مێژووی ئەم موڵکە دەگەڕێتەوە بۆ چڵەکانی سەدەی رابردوو، کە خاوەندارێتییەکەی بۆ دوو برای عیراقی دەگەڕایەوە پێش ئەوەی لەگەڵ شەپۆلی کۆچکردنی جولەکەکاندا عێراق جێبهێڵن.

لە ساڵی 1964دا، باڵیۆزخانەی فەرەنسا گرێبەستی بەکرێگرتنی بیناکەی لەگەڵ ئەو دوو برایە ئیمزا کردبوو، بەڵام دواتر بەهۆی دەرچوونی یاساکانی دەستبەسەرداگرتنی موڵکی جولەکە کۆچکردووەکان لەلایەن حکومەتی ئەوکاتی عیراقەوە، پاریس ئاڕاستەی گرێبەستەکەی گۆڕی بۆ بەغداد و کرێیەکەی دەدا بە دەسەڵاتدارانی عیراق.

لە بەرامبەردا، وەزارەتی دەرەوەی فەرەنسا رونیکردووەتەوە کە هۆکاری بەستنی گرێبەست لەگەڵ حکومەتی عیراق بۆ ئەوە دەگەڕێتەوە کە خاوەنە رەسەنەکان بەپێی یاساکانی ئەوکاتی عیراق لە موڵکەکانیان بێبەش کرابوون، بۆیە ناچار بوون مامەڵە لەگەڵ دەسەڵاتدارانی بەغداد بکەن.

ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە زیاتر لە پێنج ملیار و 845 ملیۆن دینارە.

ئەمڕۆ هەینی، ماڵپەری شەفافیەت بڵاویکردەوە، داهاتی نانەوتی یەک هەفتەی  سلێمانی و هەڵەبجە و هەردوو ئیدارەی راپەڕین و گەرمیان،  لە رۆژی(29ـی 8ـی 2026 بۆ 4ـی 9ـی 2026) ، پێنج ملیار و 845 ملیۆن و 428هەزار دینار بووە.

دەشڵێت؛  لەو داهاتە لە  78%ی بەشێوەی نەختینەیە و 22%ی داهاتەكە بەشێوەی چەكە و بەراورد بە هەفتەی رابردوو داهات زیادی کردوە.

ئەمەش لە کاتێکدایە بەراورد بە داهاتیی هەفتەی پێشوتر، کە زیاتر لە حەوت ملیار و 720 ملیۆن بوو،ئەم هەفەتەی داهات کەمی کردوە.

جێگەی ئاماژەیە، پڕۆژەی شەفافییەت لە داهات و خەرجی، لەسەر راسپاردەی قوباد تاڵەبانی جێگری سەرۆک وەزیرانی هەرێم دامەزرا، ئێستا رۆژانە لە رێگەی ئەو ماڵپەڕەوە دەتوانیت سەرجەم داهاتە نانەوتییەکانی هەردوو پارێزگای سلێمانی و هەڵەبجە و ئیدارە سەربەخۆکانی راپەڕین و گەرمیان بزانیت.

سێنتکۆم لێکۆڵینەوەیەی دەستپێکردوە بۆ دیاریکردنی هۆکاری هێرشکردنە سەر ئاهەنگێکی هاوسەرگیری لە سنوری پارێزگای هورمزگان، کە پێنج کوژراو و 67 برینداری لێکەوتەوە.

بەپێی راپۆرتێکی پێگەی ئەکسیۆس، ئەمریکا لە رێگەی پێداچوونەوە بە تۆماری فڕۆکەبێفڕۆکەوانەکان و رێکارەکانی دەستنیشانکردنی ئامانجەکان لە ئێستادا سەرقاڵی بەدواداچونن بۆ روداوەکە.

ئەکسۆس ئاماژەی بەوەکردوە، لێکۆڵینەوەکان لەسەر دوو ئەگەری سەرەکی دەکرێن؛ کە ئەمریکا بەهەڵە شوێنەکەی کردوەتە ئامانج و دوەمیش، ئەوەیە موشەکی بەرگریی خودی ئێران لە شوێن روداوەکە کەوتبێتە خوارەوە.

لەبارەی روداوەکەوە،  جەی دی ڤانس، جێگری سەرۆکی ئەمریکا و وتەبێژی سێنتکۆم جەختیان کردەوە٫، سوپای ئەمریکا بە مەبەست مەدەنییەکان ناکاتە ئامانج و بە تەواوی لێکۆڵینەوە لە هێرشەکە دەکەن.

ئەمە لە کاتێکدایە زیاتر لە شەش مانگ بەسەر بۆردومانکردنی خوێندنگەی میناب تێپەڕیوە، کە ئەمریکا بۆردومانی کرد و 155 منداڵ تێیدا کوژران و تا ئێستا ئەنجامی لێکۆڵینەوەکان کۆتایی نەهاتووە.