سەندیکای هونەرمەندان داواکارییەک ئاڕاستەی تەواوی دەزگا راگەیەندنەکانی کوردستان دەکات و رایگەیاند: چاوپێکەوتن لەگەڵ ئەو هونەرمەندانەدا مەکەن کە رەوشی تەندروستییان جێگیر نییە.

سەندیکای هونەرمەندانی کوردستان نووسراوێکی رەسمی بڵاوکردەوە و تێیدا، داوا لە سەرجەم دەزگاکانی راگەیاندن دەکات، چیتر چاوپێکەوتن لەگەڵ ئەو هونەرمەندانە ئەنجام نەدەن کە بەهۆی نەخۆشی یان هەڵکشانی تەمەنەوە باری تەندروستییان تێکچووە و ناتوانن کۆنتڕۆڵی قسە و رەفتارەکانیان بکەن.

ئاماژەی بەوەش کردووە، بڵاوکردنەوەی ئەم جۆرە چاوپێکەوتنانە لە سۆشیال میدیا دەبێتە هۆی شکاندنی شکۆی هونەرمەندان و دروستکردنی کاردانەوەی نەرێنی، هەرچەندە مەبەستی هەندێک لە میدیاکان گەیاندنی داواکاری و هاوکاری بێت بۆیان.

جەختی لەوەش کردووەتەوە، پێویستە رێز لە مێژووی هونەریی ئەو کەسایەتییانە بگیرێت و لەجیاتی پیشاندانیان لە رەوشێکی نەخوازراودا، پارێزگاری لە کەسایەتی و شکۆیان بکرێت.

خاتوو شاناز ئیبراهیم ئەحمەد ئەندامی مەکتەبی سیاسی یەکێتیی نیشتمانیی کوردستان، سەردانی نەخۆشخانەی گشتی شۆڕشی فێرکاری کرد و لەلایەن د. هێمن عاسی بەڕێوەبەری گشتی دەزگای تەندروستیی پێشمەرگە و ژمارەیەک لە پزیشکان و پسپۆڕانەوە پێشوازیکرا.

لەو دیدارەدا کە دکتۆر ئەحمەد ئازاد بەڕێوەبەری نەخۆشخانەکە و پزیشکان ئامادەیبوون، دکتۆر هێمن عاسی سەردانەکەی خاتوو شانازی بەپاڵپشتییەکی گەورە بۆ کارەکانیان وەسفکرد.

دوای بەسەرکردنەوەی بەش، قاوش و هۆڵەکانی نەخۆشخانەکە، خاتوو شاناز ئیبراهیم ئەحمەد پشتگیری و پشتیوانی خۆی دەربڕی و دەستخۆشیی لە هەوڵەکانیان کرد لەپای ئەو گۆڕانکاری و بەرەوپێشچوونانەی لە ئەنجامی نۆژەنکردنەوەکاندا بەدی هاتوون.

سەرچاوەیەك لە وەزارەتی دارایی و ئابووریی و گەنجینەی هەرێمی كوردستان بە كوردسات نیوزیان راگەیاند، لیستی موچەی سەرجەم وەزارەتەكان بۆ مانگی هەشت داخڵی سیستمی ئەلیكترۆنیی پەیرۆڵ كراوە.

پەیامنێری كوردسات نیوز ئاماژەی بەوە كرد، لە ئێستادا لیستی موچەخۆران لە ژێر وردبینی دایە و دەستبەجێ دوای تەواوبوونی، بە شێوەی ئەلیكترۆنی رەوانەی وەزارەتی دارایی حكومتەی فیدراڵ دەكرێت، وتیشی، دوای رەوانەكردنی لیستەكە، بڕیارە لیژنەی تەكنیكی سەردانی بەغداد بكات بۆ ئەوەی لە نزیكەوە چارەسەری هەر كێشە و رێگرییەك بكه ن كە رەنگە لە بەغداد بۆ لیستەكە بێتە پێشەوە.

هاوكات ئەوەش زانراوە، بەپێی پێشبینییەكان ئەگەری زۆر هەیە سەرەتای هەفتەی داهاتوو لیستی موچەی مانگی هەشت بە تەواوی رەوانەی بەغداد بكرێت.