بڕیارە هەفتەی داهاتوو شەبانە مەحموود وەزیری ناوخۆی بەریتانیا چاکسازییە بەرفراوانەکانی سیستەمی پەنابەری بەریتانیا رابگەیەنێت؛ داوای مافی پەنابەرییان قورستر کردووە و دوورخستنەوەی پەنابەریان ئاسانتر کردووە "کەمتر چوونە ژوورەوە، زیاتر دەرچوون".
 
گۆڕانکارییەکان لەسەر بنەمای دانیمارک و وڵاتانی دیکەی ئەوروپا دەبێت کە شەبانە مەحموود، وەزیری ناوخۆی بەریتانیا، لەم هەفتەیەدا لە پەرلەمان پلانەکان رادەگەیەنێت.
 
بەگوێرەی پلانەکە ئەو کەسانەی بە سەرکەوتوویی داوای مافی پەنابەری لە بەریتانیا دەکەن، ئیقامەی کاتییان پێدەدرێت، لەبری ئەوەی مافی نیشتەجێبوونی "هەمیشەیی" بەریتانیایان پێبدرێت.
 
پلانەکە بە جۆرێکە، بە تێپەڕبوونی کات پێداچوونەوە بە رەوشی ئەو پەنابەرانە دەکرێت کە مۆڵەتی کاتییان وەرگرتوە لەگەڵ چاودێریکردنی وڵاتەکانیان، کاتێک گەشتنە ئەو بڕوایەی گەڕاندنەوەیان سەلامەتە، دەیانگەڕێننەوە بۆ وڵاتەکەی خۆیان.
 
لە ئێستادا ئەو کەسانەی کە بە سەرکەوتوویی داوای مافی پەنابەری لە بەریتانیا دەکەن، مافی نیشتەجێبوونی هەمیشەیییان پێدەدرێت و وەزارەتی ناوخۆی وڵاتەکە پێی وایە بەریتانیا بووەتە شوێنی مەبەستی "کڕینی پەنابەری" - ئەوانەی بازاڕکردن بۆ وڵاتانی جیاواز دەکەن بۆ ئەوەی داوای پەنابەری بکەن.
 
وەزیری ناوخۆی بەریتانیا پێشتر لە کۆنفرانسی پارتی کرێکاران لە مانگی ئەیلولدا بەڵێنی دابوو کە "هەرچی پێویست بێت" بۆ کۆنترۆڵکردنەوەی سنوورەکانی بەریتانیا بیکات، ئەم هەنگاوە لە کاتێکدایە کە وەزارەتی ناوخۆی بەریتانیا ڕایگەیاندووە کە لە دوای هاتنە سەرکاری پارتی کرێکاران نزیکەی 50 هەزار کۆچبەری نایاسایی لە بەریتانیا دیپۆرت کراون.