سەرۆکی ئەمریکا دەڵێت: هێزی ئەتۆمی خۆمان بەهێزتر کردووە و هیوادارین ناچار نەبین بەکاری بهێنین.

دۆناڵد ترەمپ سەرۆکی ئەمریکا لە میانی کۆبوونەوەی نائاسایی فەرماندە سەربازییەکانی وڵاتەکەی رایگەیاند، سوپای ئەمریكا لە هەموو كاتێك بەهێزتر دەبێت و ئێمە لە ژێردەریاییەكاندا 25 ساڵ لە پێش روسیا و چینەوەین.

وتیشی، ئەمریكا باڵادەستی بەسەر بۆشایی ئاسمان و پەیوەندییەكاندا هەیە.

ترەمپ راشیگەیاند، كۆتاییهێنان بە هەشت شەڕ شەرەفێكی گەورەیە بۆ ئەمریكا، هەروەها من شایەنی خەڵاتی نۆبڵم چونکە لە ماوەی چەند مانگێکدا ئەو شەڕانەم راگرتووە، دەشڵێت، ئەگەر ئەو خەڵاتەم پێنەدرێت ئیهانەیەکی گەورەیە بە ئەمریکا.