زیلینسكی: ترەمپ بەهێزە و توانای هەیە كۆتایی بە جەنگی ئۆكراین بهێنێت
٦ی کانوونی دووەمی ٢٠٢٥
سەرۆكی ئۆكراین رایدەگەیەنێت، دۆناڵد ترەمپ بەهێزە و توانای هەیە كۆتایی بە جەنگی نێوان وڵاتەكەی و روسیا بهێنێت.
ڤۆلۆدیمیر زیلینسكی سەرۆكی ئۆكراین لەچاوپێكەوتنێكدا رایگەیاند، گەشبینە بەوەی كە دۆناڵد ترەمپ سەرۆكی هەڵبژێردراوی ئەمریكا بەهێزە و دەتوانێت روسیا ناچار بكات بچێتە دانوستانەكانی ئاشتییەوە و كۆتایی بە جەنگی ئۆكراین بهێنێت.
وتیشی، ترەمپ رۆڵێكی بنەڕەتی دەبێت لە گرەنتیكردنی ئاسایشی ئۆكراین و كردنەوەی رێگا لە بەردەم دانوستانی ئاشتی، دوپاتیشیكردەوە لەگەڵ ئەوروپا گرەنتی ئەمنی بەهێز دەدەنە ترەمپ بۆئەوەی بەو رێگەیە دانوستان لەگەڵ روسیا دەستپێبكەن.
سەرۆكی ئۆكراین ئاشکراشیکرد، لەگەڵ ترەمپ یەكەمجار دەستپێشخەری دەكەن بۆ ئاشتی و وڵاتانی ئەوروپاش پشتگیری هەڵوێستەكەیان دەكەن.