ترەمپ دەرهێنەرێكی تەلەفزیۆنی دەكاتە نێردەی خۆی لە بەریتانیا
کەژان
٢٢ی کانونی یەکەمی ٢٠٢٤
دۆناڵد ترەمپ و مارك بێرنێت
ترەمپ دەرهێنەری بەرنامە تەلەفزیۆنییەكەی وەك نێردەی تایبەت ئیدارەكەی لە بەریتانیا دەستنیشان دەكات.
دۆناڵد ترەمپ، سەرۆكی هەڵبژێردراوی ئەمریكا لە پۆستێكیدا لە پلاتفۆرمی سۆشیال تروس خۆیدا رایگەیاند، مارك بێرنێت بەرهەمهێنەری یەكێك لە بەرنامە تەلەفزیۆنییەكانی هەڵبژاردووە بۆ ئەوەی ببێتە نوێنەری تایبەتی ئیدارەكەی لە بەریتانیا.
مارك بێرنێت، تەمەن ٦٤ ساڵی بەرەچەڵەک بەریتانی، دەرهێنەری ئەو بەرنامەیەبوو كە ناوبانگێكی جیهانی بە ترەمپ بەخشی و هەروەها و سەرۆكی گروپی تەلەفزیۆنی نێودەوڵەتی ئێم جی ئیم بووە.
ترامپ دەڵێت، بێرنێت پەیوەندییە دیپلۆماسییەكان بەهێز دەكات و گرنگی بە بازرگانی و دەرفەتەكانی وەبەرهێنان و ئاڵوگۆڕی كولتووری دەدات.
ترەمپ پێشتر بازرگان وارن ستیڤنسی هەڵبژارد بۆ ئەوەی ببێتە باڵیۆزی خۆی لە بەریتانیا. هاوكات، حكومەتی بەریتانیاش پیتەر ماندێلسۆنی وەك باڵیۆزی نوێی خۆی لە ئەمریكا دەستنیشانكرد، ئامانج لەو كارەشی پاراستنی پەیوەندیەكانیانە لەگەڵ ترەمپ و دووركەوتنەوە لە شەڕی بازرگانی و پاراستنی هاوپەیمانی هەردوو وڵات لەسەر ئۆكراین.