ترەمپ: روسیا و ئێران لە ئێستادا لە رەوشێكی لاوازدان
٨ی کانونی یەکەمی ٢٠٢٤
دۆناڵد ترەمپ سەرۆكی هەڵبژێردراوی ئەمریكا پەیامێكی لەبارەی رووداوەكانی سوریا بڵاوكردەوە و دەڵێت، چیتر روسیا ئارەزووی پاراستنی بەشار ئەسەدی نەماوە.
ترەمپ لە نوسینێكدا كە لە تۆری كۆمەڵایەتی تروس بڵاویكردۆتەوە دەڵێت، ئەسەد لە سوریا هەڵهاتووە، روسیاش كە پێشتر پارێزگاری لێدەكرد، چیتر ئارەزوی پاراستنی ناكات، چونكە بەرژوەندی لە سوریا نەماوە.
ترەمپ دەشڵێت، روسیا و ئێران لە ئێستادا لە رەوشێكی لاوازدان، یەكێكیان بەهۆی شەری ئۆكراین و ئەوی تریان بەهۆی ئیسرائیلەوە، بۆیە چیتر هاوكاری ئەسەد ناكەن. ترەمپ لەو نوسینەیدا داوایكردوە دەستبەجێ شەر لە سوریا رابگیرێت و دانوستانەكان دەستپێبكەن.