هەسەدە رەتیدەكاتەوە لە دێرەزور و رۆژئاوای روباری فورات كشابنەوە
٨ی کانونی یەکەمی ٢٠٢٤
هەسەدە رەتیدەكاتەوە لە دێرەزوور كشابێتەوە و ئەنجومەنی سەربازیی ناوچەكەش دەڵێت، بەردەوامن لە ئەركەكانیان بۆ پاراستنی ئاسایشی دێرەزوور.
ئەنجومەنی سەربازیی دێرەزور لە بەیاننامەیەكدا رەتیكردوەتەوە، شەڕڤانان لە دێرەزور كشابێتنەوە و جەخت لەوەدەكاتەوە بۆ پاراستنی ئاسایشی ئەو شارە لە شوێن و ئەركی خۆیاندان.
لە بەیاننامەكەدا ئاماژە بەوەشكراوە، سەرجەم ئەو بانگەشانەی كە دەوترێت شەڕڤانانی هێزەكانی سوریای دیموكرات هەسەدە لە دێرەزور كشاونەتەوە دوورن لە راستییەوە و ئەو هێزانە لە شەشی مانگەوە بە تەواوەتیی لە دێرەزور جێگیربوون.
ئەنجومەنی سەربازیی جەختی لەوەشكردوەتەوە، ئەوان بە ئامانجی پاراستنی دانیشتوانی دێرەزور لەو ناوچەیە و رۆژئاوای روباری فورات جێگیر بوون.