وەزیری دەرەوەی ئێران: چارەنوسی ئەسەد نازانرێت
ئاکام
٧ی کانونی یەکەمی ٢٠٢٤
وەزیری دەرەوەی ئێران رایگەیاند، چارەنوسی بەشار ئەسەد سەرۆكی سوریا نازانرێت.
عەباس عراقچی وەزیری دەرەوەی ئێران لە چاوپێكەوتنێكی تەلەفزیۆنیدا رایگەیاند، چارەنوسی بەشار ئەسەد سەرۆكی سوریا نازانرێت، بەڵام مقاوەمە بەردەوام دەبێت لە كارەكانی و هەڕەشەكانی سوریا بۆ ناوچەكە درێژە دەكێشێت.
وتیشی، لە ساڵی ٢٠١١ زۆرینەی بیروڕاكان بەو شێوەیە بوو كە حكومەتی ئەسەد دەكەوێت، بەڵام رووداوەكە سەلماندی كە بۆچونەكان بەشێوەیەكی تر بوون.
عراقچی دەشڵێت، سوریا دووچاری چەند سیناریۆیەك دەبێتەوە لەوانەش، شەڕی ناوخۆ و دابەشبوونی وڵاتەكە و گروپە چەكدارەكان دەست بەسەر تەواوی سوریادا بگرن.
راشیگەیاند، سەرجەم وڵاتانی ناوچەكە هاوڕان كە پاڵپشتی یەكپارچەیی و سەروەری سوریا بكەن.
