پەیامنێری کوردسات نیوز: مینی پاسێکی خوێندکارانی پەیمانگەی دوکان لەنزیک گوندی قامیشە لەسەر رێگای دوکان - خەلەکان تووشی روداوی هاتوچۆ بوە لەگەڵ بارهەڵگرێک و بەهۆی روداوەکەوە 4 خوێندکار برینداربوون.

بەپێی زانیارییەکانی پەیامنێری کوردسات نیوز؛ مینی پاسەکە 10 خوێندکاری تێدابوە و چوار خوێندکار برینداربون، دوو لەبریندارەکان بەهۆی سەختی برینەکەیانەوە رەوانەی سلێمانی کراون.

وزارەتی گەنجینەی ئەمریکا بریارێکی لەناکاوی دەرکرد بۆ سوککردنی سزا ئابووریەکانی سەر سوریا.

وزارەتەکە لە راگەیەندراوێکدا ئاماژەی بەوەداوە کە "مۆڵەتێکی گشتی دەرکردووە بۆ کەمکردنەوەی هەندێک لە سزا سەپێندراوەکانی سەر ئەو وڵاتە."

وزارەتی گەنجینەی ئەمریکا رونیکردەوە کە ئەم بڕیارە لەگەڵ لێدوانی سەرۆکی ئەمریکا دۆناڵد ترامپ بۆ هەڵگرتنی سزا سەپێندراوەکانی سەر سوریا یەکدەگرێتەوە.

بەپێی بڕیارەکە، رێگە بە وەبەرهێنانی نوێ و چالاکی کەرتی تایبەت لە سوریا دەدرێت و ئاماژە بەوە دراوە تیایدا؛  "ئەم بڕیارە رێگە بە هاوپەیمان و هاوبەشەکانمان دەدات کە لە سوریا وەبەرهێنان بکەن."

 

روسیا و ئۆکراین رۆژی پێنجشەممە دەستیانکرد بە جێبەجێکردنی قۆناغی یەکەمی رێککەوتنێکی گەورەی ئاڵوگۆڕی زیندانییەکان، کە بریتییە لە ئاڵوگۆڕی هەزار کەس لە هەر لایەکەوە.

ڤۆلۆدیمێر زیلنسكی، سەرۆكی ئۆكراین ئەمڕۆ رایگەیاندی کە 390 هاوڵاتی ئۆکراینی ئازادکراون و بە سەلامەتی گەڕاونەتەوە وڵات. لەم ژمارەیەدا 270 کەس کارمەندی سەربازی و 120 کەسیش هاوڵاتی مەدەنین.

ئەم ئاڵوگۆڕە بە یەکێک لە گەورەترین ئاڵوگۆڕەکان دادەنرێت لە دوای دەستپێکردنی هێرشی روسیا بۆ سەر ئۆکراین لە ساڵی 2022ەوە.

بەپێی راگەیەندراوەکان، ئاڵوگۆڕەکە بۆ ماوەی سێ رۆژ بەردەوام دەبێت، لە 23 تا 25ی ئایاری ئەمساڵ.

ئەم رێککەوتنە لە 16ی ئەم مانگە لە شاری ئەستانبوڵ لە نێوان نوێنەرانی هەردوو لایەن ئەنجامدراوە. بڕیارە قۆناغەکانی دیکەی رێککەوتنەکە لە چەند رۆژی داهاتوودا تەواو بکرێن.

ئەم هەنگاوە وەک یەکێک لە گرنگترین پێشکەوتنەکان لە بواری مرۆیی لە نێوان هەردوو وڵاتدا لە ماوەی دوایی دادەنرێت.