بەھۆی پیسبوونی ھەوا دایەنگە و خوێندنگە سەرەتاییەکان لە تاران داخران
کوردسات نیوز
٨ی ئایاری ٢٠٢٢
تاران
میدیاکانی ئێران بڵاویانکردۆتەوە، پیسبوونی ھەوا لە "تاران" گەیشتۆووەتە ئاستێکی مەترسیدار و کاریگەرییەکەشی لەسەر منداڵان زیاترە، بەوھۆیەشەوە بڕیاردراوە بۆ ئەمڕۆ دایەنگە و خوێندنگە سەرەتاییەکان دابخرێن، ھەروەھا چالاکی و چوونە دەرەوەی خوێندکارانی ئامادەیی و دواناوەندیش لە کەش و ھەوای دەرەوە قەدەغە کراوە.
لێپرسراوانی تەندروستیش لە ئێران رایدەگەیەنن، پیسبوونی ھەوا لە "تاران" مەترسییە تەندروستییەکان زیاتر دەکات و داواشیان لە کەسانی بەتەمەن و منداڵان و ئەوانەی نەخۆشی دڵ و سییەکانیان ھەیە، نەچنە دەرەوە.