دەستەی حەجی عیراق رایگەیاند، تا ئێستا 21 هەزار هاووڵاتی بۆ بەجێهێنانی فەریزەی حەج گەیشتوونەتە سعودیە.

محەمەد مەتەر بەڕێوەبەری فەرمانگەی كاروباری حەجی عیراق لە شاری مەدینە راگەیاند، تائێستا لە رێگەی دەروازە وشكانییەكان و فڕۆكەخانەكانەوە 21 هەزار كەس گەیشتوونەتە سعودیە بۆ بەجێهێنانی فەریزەی حەج.

ئاماژەی بەوەشكرد، شەش هەزار حاجی سەردانەكەیان بۆ مەدینە تەواوكردووە و روویان لە مەككە كردووە وەك ئامادەكارییەك بۆ ئەنجامدانی رێوڕەسمەكانی حەج.

بەڕێوبەری فەرمانگەی كاروباری حەجی عێراق لە مەدینە وتیشی، دەستەی حەج و عومرەی عیراق  لە ماوەی دوو ساڵی رابردوودا پلەی یەكەمی بەدەستهێناوە لە جۆری ئەو خزمەتگوزارییانەی پێشكەشی حاجیانی كردووە.

ئەوەش لە كاتێكدایە لە رۆژی 16ی ئەم مانگەوە گەشتی هاووڵاتیان لە هەرێمی كوردستانیشەوە بە رێگای وشكانی و ئاسمانی بۆ بەجێهێنانی فەریزەی حەج دەسیپێكردوە، بڕیاریشە لە وەرزی حەجی ئەمساڵدا 33 هەزار و 690 هاووڵاتی عیراقی بۆ بەجێهێنانی فەریزەی حەج بچنە سعودیە و لەو ژمارەیەش 13.9%یان هاووڵاتی هەرێمی كوردستانن.

خانمی یەکەمی عیراق ستایشی دوایین کۆنسێرتی ئۆرکێسترای سیمفۆنی سلێمانی کرد و رایگەیاند، "گرنگە لەیادمان بێت، کاتێک وشەکان پەکیان دەکەوێت موزیک دێتە گۆ".

شاناز ئیبراهیم ئەحمەد خانمی یەکەمی عیراق رایگەیاند، ئۆرکێسترای سیمفۆنی سلێمانی بەڕابەرایەتی هانس رۆتمان و ئاکۆ عەزیز، کۆششێکی بێ وێنەی پێشکەشکرد کە سەرنجی ئامادەبووانی نمایشەکەی راکێشا بە چەند بڕگەیەکی موزیکی بتهۆڤن و چەند ئاوازێکی کوردیی ناسراو.

ئاماژەی بەوەشکرد، "گرنگە لەیادمان بێت، کاتێک وشەکان پەکیان دەکەوێت موزیک دێتە گۆ".

دوێنێ شەممە، ئۆرکێسترای سیمفۆنی سلێمانی بە رابەرایەتی هانس رۆتمانی بە رەگەز ئەڵمانی رابەری ئۆرکێسترا و سۆڵۆی ڤایۆلین و کۆنسێرت ماستەر ئاکۆ عەزیز عینایەت، هەروەها بەشداری چەندین هونەرمەند و موزیکژەنی ناوخۆ و جیهانیی، یەکەم کۆنسێرتی ساڵی 2025ی پێشکەش کرد و زیاتر لە هەزار بینەر بۆ بینینی کۆنسێرتەکە ئامادە بوون.

ئاسایشی هەولێر دەستگیرکردنی تۆمەتباری روداوەکەی گەڕەکی ئازادی راگەیاند و دەڵێت، رێکاری یاسای بەرانبەر گیراوەتە بەر.

بەڕێوەبەرایەتی ئاسایشی هەولێر رایگەیاند، لە گەڕەکی ئازادی شاری هەولێر لەسەر کێشەیەکی کۆمەڵایەتی شەڕە تەقە لەنێوان دوو دراوسێدا دروست بوو، کە بەهۆیەوە کەسێک کوژرا و کەسێکی دیکەش بریندار بوو، بکوژەکەش بۆ شوێنێکی نادیار هەڵاتبوو.

ئاماژەی بەوەشكرد، دوای وەر گرتنی رەزامەندی دادوەری لێکۆڵینەوەی ئاسایشی هەولێر لە بەرەبەیانی ئەمڕۆدا تۆمەتبارەکە دەستگیرکرا و رێکاری یاسای بەرانبەر گیراوەتەبەر.

شەوی رابردوو لە گەڕەکی ئازادی شاری هەولێر، بەهۆی دروستبوونی دەمەقاڵێ و شەڕ لەنێوان دوو دراوسێدا گەنجێکی تەمەن 23 ساڵ کوژرا، کە بەپێی زانیارییەکانی کوردسات نیوز، بەهۆی کۆترەوە شەڕەکە سەری هەڵداوە.