کوردسات نیوز
٩ی تشرینی یەکەمی ٢٠٢١
ریاز دەڕاڕ ھاوسەرۆکی ئەنجومەنی سوریای دیموکرات مەسەدە وڵامی وەزیری دەرەوەی سوریای دایەوە و وتی، ھەر کاتێک ئەرکی ھێزەکانی ئەمریکا لە شەڕی دژی داعش کوتایی بێت و سورییەکان جارێکی تر رێکبکەونەوە، گرەنتی ئەوە دەدەن کە ھێزەکانی ئەمریکا دەکشێنەوە.
وتیشی، پێویستە ھەموان کار بکەن بۆ یەکگرتوویی خاکی سوریا و داوا لە حکومەتی دیمەشقیش دەکات لە لێدوانی توند دووربکەوێتەوە و بگەڕێتەوە بۆ چارەسەری سیاسی و مێزی گفتوگۆ.
نوێترین هەواڵەکاننزار ئامێدی سەرۆك كۆماری عیراق، لە كۆشكی بەغداد پێشوازی لە بافڵ جەلال تاڵەبانی، سەرۆكی یەكێتیی نیشتمانیی كوردستان و قوباد تاڵەبانی، جێگری سەرۆك وەزیرانی هەرێم كرد.
لەدیدارێكدا كە دەرباز كۆسرەت رەسوڵ ئەندامی مەكتەبی سیاسی یەكێتی و د. خالید شوانی وەزیری داد و د.هەڵۆ عەسكەری وەزیری ژینگە ئامادەیبوون، ئامادەبووان پیرۆزبایی ئاڕاستەی نزار ئامێدی كرد بەبۆنەی دەستبەكاربوونی وەك سەرۆك كۆماری عیراق و هیوای سەركەوتنیان بۆ خواست لە جێبەجێكردنی ئەركە نیشتمانییەكانی و خزمەتكردنی گەلی عیراق و پتەوكردنی سەقامگیری لە وڵاتدا.
هەروەها باس لەبارودۆخی گشتیی سیاسی و ئەمنی عیراق و پێشهاتەكانی ناوچەكە كراو جەخت لەسەر گرنگی بەهێزكردنی هاوكاری و هەماهەنگی نێوان حكومەتی فیدراڵی و حكومەتی هەرێمی كوردستان كرایەوە بۆ ئەوەی بەشداربن لە چەسپاندنی سەقامگیری و گەیشتن بە بەرژەوەندی هاوبەش.
هاوكات جەختیان لەسەر پێویستی یەكخستنی هەوڵەكان بۆ روبەڕوبوونەوەی ئاستەنگەكانی ئێستاو كاركردن بۆ پاڵپشتی دیالۆگ و لێكتێگەیشتن لەنێوان هێزە سیاسییە جیاوازەكان بۆ بەدیهێنانی خواستەكانی گەلی عیراق بۆ ئاسایش و گەشەپێدان و سەقامگیری كردەوە.
ماڵپەڕی نێتبلۆکس، کە چاودێری پچڕانی ئینتەرنێت دەکات لە جیهاندا، رایگەیاندوە، داتاکانی تۆڕەکان دەریدەخەن کە پچڕانی ئینتەرنێت لە ئێران چووەتە رۆژی 44هەمینەوە و بەردەوامی هەیە.
ماڵپەرەکە ئاماژەی بەوەکردوە، نەبونی ئینتەرنێت و دابڕانی ئێران لە جیهان زیاتر لە 1032 سەعاتی تێپەڕاندوە و لە حەوتمەین هەفتەیدایە.
نێتبلۆکس ئاماژەی بەوەشکردووە، لێکەوتە مرۆیی و ئابوورییەکانی نەبونی ئینتەرنێت بەردەوام لە زیادبوندایە و کاریگەری خراپی کردوەتە سەر ژیانی هاووڵاتیانی ئێران.
هەروەها نەبونی ئینتەرنێت بۆ ئەو ماوە درێژە ژمارەی پێوانەیی جیهانی شکاندوە و تا ئێستاش دیار نییە تا کەی بەردەوامی دەبێت.
د. لەتیف رەشید، لە کۆشکی بەغداد دەستاودەستکردنی دەسەڵاتی سەرۆک کۆماری لەگەڵ نزار ئامێدی، سەرۆک کۆماری نوێی عیراق کرد
ئەمڕۆ یەکشەممە، لە رێوڕەسمێکی رەسمیدا لە کۆشکی بەغداد، دەستاودەستکردنی دەسەڵات لە نێوان د. لەتیف رەشید و نزار ئامێدی ئەنجامدرا و بەمەش بە رەسمی نزار ئامێدی سەرۆک کۆماری نوێی عیراق دەستبەکار بوو.
سەرەتای رێورەسمەکە، بە لێدانی سروودی نیشتمانی دەستیپێکرد، دواتر سەرۆک کۆمار پێداچوونەوەی بە پاسەوانی شەرەفدا کرد لە دیمەنێکدا کە رەنگدانەوەی رەمزی و شکۆمەندی دەوڵەتە.
دواتر نزار ئامێدی لەلایەن د. لەتیف رەشید، سەرۆک کۆماری پێشوی وڵاتەوە پێشوازی لێکرا و کۆبوونەوەیەک بەڕێوەچوو، کە تێیدا رێورەسمی رادەستکردنی دەسەڵاتی تێدا ئەنجامدرا.
لەلای خۆیەوە د.لەتیف رەشید، سەرۆک کۆماری پێشوو، هیوای سەرکەوتنی بۆ سەرۆک کۆماری نوێ خواست لەڕاپەڕاندنی ئەرکە نیشتمانییەکانی، بەشێوەیەک کەخزمەت بە بەرژەوەندییەکانی عیراق بکات و خواستەکانی گەلەکەی بەدیبهێنێت.
