وتەبێژی حكومەتی عیراق رایگەیاند، لە چەند رۆژی داهاتوودا كاروانێكی نوێی دۆلاری كاش لە ئەمریكاوە دەگاتە بەغداد.

حەیدەر عەبودی وتەبێژی حكومەتی عیراق راگەیاند، دوای سەردانەكەی عەلی زەیدی بۆ ئەمریكا، لێكتێگەیشتن بۆ بەردەوامبوونی ناردنی دۆلاری كاش بۆ بەغداد، کراوە.

عەبودی ئاماژەی بەوەش كردووە، بڕیارە لە چەند رۆژی داهاتوودا كاروانێكی نوێی دۆلار بگاتە عیراق ئەمەش بەشدار دەبێت لە پڕكردنەوەی پێداویستییەكانی بازاڕ بە دراوی بیانی.

روونیشیكردووەتەوە، ئەم لێكتێگەیشتنە لەگەڵ واشنتۆن دەرەنجامی ئەو بەرەوپێشچوونانەیە كە عیراق لە بەهێزكردنی سیستەمی چاودێریی بەسەر دابەشكردنی دۆلار و رێگریكردن لە خراپ بەكارهێنانیی، بەدەستیهێناوە.

قوباد تاڵەبانی پیرۆزبایی لە سەرۆک، دەستەی کارگێڕی، راهێنەران و یاریزانانی تیپی بالەی کچانی ئافرۆدێت کرد و پشتیوانی خۆی بۆ دووپات کردنەوە.

قوباد تاڵەبانی جێگری سەرۆک وەزیرانی هەرێم رایگەیاند، جێی خۆشحاڵییە ساڵ لە دوای ساڵ وەرزشی ژنان لە کوردستان زیاتر گەشە دەکات، بە تایبەتیش لە بالەدا یانە وەرزشییەکانی ژنان و کچانی کوردستان پێشکەوتنی بەرچاویان بەخۆوە بینیوە و ئێستا یانەکانی کوردستان لەسەر ئاستی عیراقدا پێشەنگن.

ئاماژەی بەوەشکرد، "پێشوازیم کرد لە سەرۆک، دەستەی کارگێڕی، راهێنەران و یاریزانانی تیپی بالەی کچانی ئافرۆدێت کە بوونەتە پاڵەوانی ئەمساڵی خولی بالەی عیراق و پیرۆزبایی ئەم سەرکەوتنە گەورەیەم لێکردن و پشتیوانیی تەواوی خۆم بۆ دووپات کردنەوە".

قوباد تاڵەبانی وتیشی: داوام لێکردن ئامادەکاری بکەن بۆ ئەوەی نەک تەنها لە پاڵەوانێتییەکانی کوردستان و عیراق نازناوی زیاتر بەدەست بهێنن، بەڵکو ببنە ناوێکی دیار لە پاڵەوانێتییە نێودەوڵەتییەکانیشدا.