وەزارەتی خوێندنی باڵای هەرێم رایگەیاند، ئەو کەسانەی وەک گرێبەست دادەمەزرێن لە زانکۆ و ناوەندە حکومییەکاندا، لە هەمان کاتدا لە سێ یەکەمەکانی زانکۆ و پەیمانگەکانن، مافی سێ یەکەمییان پارێزراو دەبێت.

د.توانا نەجەف بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا رایگەیاند، سێ یەکەمەکانی زانکۆ و پەیمانگەکان، دەتوانن داواکاریی پێشکەشبکەن بۆ دامەزراندن بە شێوازی گرێبەست، بەبێ ئەوەی مافی یەکەمیان لەدەست بدەن.

ناوبراو ئاماژەی بەوەشکرد، وابریارە لە چەند رۆژی داهاتوو پلاتفۆرمەکە کە تایبەتە دامەزراندن بە شێوازی گرێبەست  لە نیو وەزارەتی خوێندنی باڵا کارا بکرێت.

لەبارەی دامەزراندنی سێیەکەمەکانیشەوە، د.توانا نەجەف وتویەتی دڵنیایە، کە دۆسیەی سێ یەکەمەکان لە ئەنجومەنی وەزیرانی هەرێمی کوردستان کاری تەواوی لەسەر دەکرێت و بەرگریشی لێدەکرێت، چونکە بە یاسا مافی خۆیانە دابمەزرێندرێن.

ئەمەش لە کاتێکدایە، رۆژی 2ـی8ـی 2026، وەزارەتی خوێندنی باڵا و توێژینەوەی زانستی هەرێم لە نوسراوێكدا داتا و زانیاری سەرجەم سێ یەكەمەكانی زانكۆ و پەیمانگەكانی هەرێم، كە دەرچووی ساڵانی 2017 تا 2025ن، لەگەڵ هەڵگرانی بڕوانامەی دبلۆمی باڵا و ماستەر و دكتۆرا، كە تائێستا دانەمەزراون، ئاڕاستەی ئەنجومەنی وەزیرانی هەرێمی كرد، بە مەبەستی دابینكردنی میلاك و بودجە بۆیان لە بودجەی ساڵی 2027ی عیراق.

عەبدوڵا ئۆجەلان رایگەیاند، ئەم قۆناغەی ئێستا تێیداین لە بنیاتنانی كۆماری توركیا گرنگترە و چارەنووسی 86 ملیۆن هاووڵاتیی توركیا دیاری دەكات.

وەفدی ئیمراڵیی دەم پارتی رایگەیاند، رۆژی 2ـی ئابی 2026 دیداریان لەگەڵ عەبدوڵڵا ئۆجەلان ئەنجام داوە. دیدارەكە ماوەی سێ سەعاتی خایاندووە و تێیدا نوێترین پێشهاتە سیاسییەكان، هەنگاوەكانی داهاتوو و بەرپرسیارییە مێژووییەكان تاوتوێ كراون، هاوكات وەفدەکە پەیامی رەسمی ئۆجەلانی بۆ رای گشتی بڵاوكردەوە.

لە پەیامەكەیدا، ئۆجەلان جەختی كردوەتەوە كە "رێگەیەكی هەزار كیلومەتریش  بە هەنگاوی یەكەم دەست پێدەكات" و دیاریكردووە كە لە رێگەی ئەم یاسایەوە هەنگاوێكی درێژخایەن دەنێت بۆ چارەسەركردنی پرسێكی مێژوویی.

ئۆجەلان ئاماژەی بەوەشکردووە، ئەم قۆناغەی ئێستا تیایداین لە بنیاتنانی كۆماری توركیا گرنگترە و دەبێت بە هەمان جددییەتەوە كار بۆ  بنیاتنانی كۆمارێكی دیموكراتیك بكرێت.

ئۆجەلان ئەوەشی خستەڕوو، ئەم هەنگاوە تەنیا بۆ گەلی كورد یان بەشێك لە كۆمەڵگە نییە، بەڵكو پێویستییەكی نیشتمانییە بۆ تەواوی 86 ملیۆن هاووڵاتیی توركیا و باكوری كوردستان.

لەپەیامەکەی ئۆجەلاندا ئەوەش هاتووە، ئەم پڕۆسەیە رێگە لە بەردەم گەشەسەندنی یاسای دیموكراتیك و دەرفەتی ئابوری دەكاتەوە و كاریگەریی راستەوخۆی لەسەر چارەنووسی ناوچەكە دەبێت.