بافڵ جەلال تاڵەبانی، سەرۆکی یەکێتیی نیشتمانیی کوردستان لە هەولێر پێشوازی لە نیکۆلۆ فۆنتانا، باڵیۆزی ئیتاڵیا لە عیراق کرد.

لە دیدارەکەدا دوایین پێشهات و گۆڕانکارییەکانی هەرێمی کوردستان، عیراق و ناوچەکە تاوتوێ کرا و بافڵ جەلال تاڵەبانی رایگەیاند، بە کاری پێکەوەیی لەم قۆناغەدا دەتوانین زاڵبین بەسەر ئاستەنگەکان و خزمەتی خەڵکەکەمان باشتر بکەین.

پەرەپێدانی پەیوەندییەکانی هەرێمی کوردستان و ئیتاڵیا بە تایبەتی لە بواری وەبەرهێنان تەوەرێکی دیکەی دیدارەکە بوو.