بافڵ تاڵەبانی: دەبێت هەڵبژاردن ببێتە هۆی زیاتر خزمەتکردنی خەڵک
محەمەد رزگار
٧ی تشرینی یەکەمی ٢٠٢٥
بافڵ جەلال تاڵەبانی، سەرۆکی یەکێتیی نیشتمانیی کوردستان لە هەولێر پێشوازی لە سەید عەمار حەکیم، سەرۆکی رەوتی حیکمە کرد.
لە دیدارێکدا رەوشی گشتیی وڵات و ئاستەنگەکانی بەردەم پرۆسەی سیاسی تاوتوێکرا و جەخت لە دیدی هاوبەش و کۆدەنگی نیشتمانی بۆ زاڵبوون بەسەر ئاڵنگارییەکاندا کرایەوە.
هەروەها پێویستی چارەسەرکردنی کێشەکانی نێوان هەرێمی کوردستان و عیراق لەسەر بنەمای دەستور و هاوبەشێتی کرایەوە، بەجۆرێک هەمووان پارێزراوبن و وەک یەک خزمەتبکرێن.
بافڵ جەلال تاڵەبانی جەختی لە بەڕێوەچوونی هەڵبژاردنێکی پاک و بێگەرد لە عیراق کردەوە کە ببێتە هۆی پتەوکردنی یەکڕیزیی گەلانی عیراق و زیاتر خزمەتکردنی خەڵک.



