بەهۆی تەقینەوەیەکەوە لە کەرتی غەززە ژمارەیەک سەرباز کوژران و برینداربوون، رەوشی تەندروستی بریندارەکانیش ناجێگیرە.

سوپای ئیسرائیل رایگەیاند، لە کاتی هەڵمەتێکی گەڕان و پشکنیندا لە ناوچەی رەفەح لە غەززە بەهۆی تەقینەوەی بۆمبێکی چێندراوەوە بە بلدۆزەرێک و دوو ئۆتۆمبێلی سەربازیدا چوار سەرباز کوژراون و سیانی دیکەش برینداربوون.

ئاماژەی بەوەشکردوە، تەمەنی ئەو سەربازانەش لەنێوان 20 بۆ 24 ساڵدایە، هەروەها رەوشی تەندروستی بریندارەکانیش ناجێگیرە.

بەپێی هەڵسەنگاندنەکانی سوپای ئیسرائیل، سەدان سەرباز بەهۆی تەقینەوەی بۆمبی چێندراوەوە لە سەرەتایی جەنگی غەززەوە کوژراون.