وادەی پڕكردنەوەی فۆرمی ئەلیكترۆنی خۆراك تا 3 ی ئەم مانگە درێژكرایەوە. 

ئاراس محەمەد؛ بەڕێوەبەری پسوڵەی خۆراك لە سلێمانی بە كوردسات نیوزی راگەیاند، وادەی پڕكردنەوەی فۆرمی ئەلیكترۆنی خۆراك بۆ ماوەی دوو رۆژی تر واتا تا 3ی ئاب درێژكراوەتەوە، هاووڵاتیان دەتوانن سود لەو دەرفەتە وەربگرن و فۆرمەكە پڕ بكەنەوە.

وتیشی، لە سلێمانی بە رێژەی 82% و هەولێر 83% و دهۆك 76% و هەڵەبجە 85%ی هاووڵاتییان فۆرمەكەیان پڕكردوەتەوە، بە تێكڕاش لە هەرێمی كوردستان رێژەی پڕكردنەوەی فۆرمەكە گەیشتوەتە 81%.

ئاماژەی بۆ ئەوەشكرد، دواتر قۆناغی دووەم دەستپێدەكات، كە تایبەتە بە راستكردنەوەی هەڵەكان و گواستنەوە لەنێوان بریكارەكانی خۆراك و كەمكردن و زیادكردنی داتاكان لەسەر فۆرمەكە.

هاوكات نەوزاد كامیل بەرێوەبەری گشتی بازرگانی لە وەزارەتی بازرگانی هەرێم بە كوردسات نیوزی راگەیاند، درێژكردنەوەكە بۆ هەموو هەرێمە و  رۆژی یەكشەممە یەكلایی دەبێتەوە كە جارێكی تر وادە درێژ بكرێتەوە یاخود دەست دەكرێت بە قۆناغی دووەم.

 

نێردەی تایبەتی ئەمریکا بۆ کاروباری سوریا دەڵێت: لەگەڵ  حکومەتی سوریا هەماهەنگیان هەیە سەبارەت بە دۆسیەی کوشتنی هاوڵاتیەکی ئەمریکی.

 تۆم باراک نێردەی تایبەتی ئەمریکا بۆ کاروباری سوریا  رایگەیاند، دەستوەردانی ئیسرائیل لە کاروباری سوریا رەوشی ناوخۆی ئەو وڵاتە ئاڵۆزتر دەکات، چونکە تاکو ئێستا هەردوو وڵات نەگەشتوون بە رێککەوتنێکی هاوبەش سەبارەت بە پەیوەندیەکانی نێوانیان.

راشیگەیاند، حکومەتی سوریا هەماهەنگی تەواوی لەگەڵ نوسینگەی لێکۆڵینەوەی فیدراڵی ئەمریکا هەیە بۆ دۆزینەوەی بکوژانی ئەو هاووڵاتیە ئەمریکیەی کە لەلایەن گروپە چەکدارەکانەوە لە سوەیدا کوژرا.

هەفتەی رابردوو باراک لە تۆڕی کۆمەڵایەتی ئێکس ئاماژەی بەوەکردبوو، هەڵگرتنی سزاکانی سەر سوریا دەرفەتی بۆ ئەو وڵاتە رەخساند بۆ تێپەڕاندنی خەم و ئازاری چەندین ساڵەی شەڕی ناوخۆی سوریا.

ژمارەی كوژراوانی هێرشەكەی روسیا بۆ سەر كیێڤ بۆ 26 كەس بەرزبوویەوە، كە سییانیان منداڵن.

وەزارەتی ناوخۆی ئۆكراین، رایگەیاند، ژمارەی كوژراوانی هێرشەكەی بەرەبەیانی ڕۆژی پێنجشەممەی رابردووی روسیا بۆ سەر كیێڤ گەیشتە 26 كەس كە سێ منداڵیان تیدایە، هەروەها و 156 كەسیش بریندارن.

لەدوای ئەو رووداوەش، ڤۆلۆدیمیر زێلێنسكی سەرۆكی ئۆكراین ئەو هێرشەی روسیای  شەرمەزار كرد و داوای گۆڕینی سیستەمی سیاسی لە روسیا كرد.

هەروەها دۆناڵد ترەمپ، سەرۆكی ئەمەریكا، هێرشەكانی بە نامرۆڤانە وەسفكرد و نیازی خۆشی بۆ سەپاندنی سزای نوێ بەسەر روسیادا پشتڕاستكردەوە.

هاوكات، واشنتۆن رایگەیاند، كە ترەمپ بە روونی بە روسیای راگەیاندوە دەبێت پێش 8ی ئاب كۆتایی بە شەڕی ئۆكراین بهێنرێت.

ماوەی نزیكەی سێ ساڵە شەڕ لە نێوان ئۆكراین و روسیا دەسیپێكردوە ئاسۆی كۆتاپێهێنانی رونیەوە، كە بەهۆیەوە تا ئێستا زیاتر لە 13 هەزار ئۆكرانی كوژراون.