لە رێوڕەسمێکدا لە مەڵبەندی راپەڕینی یەکێتیی نیشتمانیی کوردستان، بە سەرپەرشتیی قوباد تاڵەبانی، لێپرسراوی مەکتەبی سکرتارییەتی سەرۆک مام جەلال، گۆڕانکاری لە پۆستی لێپرسراوی مەڵبەندی راپەڕین کرا و هەڤاڵ جەزای سەید مەجید ماڵئاوایی لە پۆستەکەی کرد و هەڤاڵ حەیدەر سەعید وەک لێپرسراوی نوێ دەستبەکار بوو.

لە رێوڕەسمەکەدا، قوباد تاڵەبانی وتارێکی پێشکەش کرد و تیایدا دەستخۆشی لە هەڤاڵ جەزای سەید مەجید کرد کە لەگەڵ ئەوەی لە قۆناغێکی سەختدا ئەرکی لێپرسراوی مەڵبەندی راپەڕینی پێ سپێردرابوو، بەڵام بەهۆی دڵسۆزییەکەی و شارەزاییەکەی لە ئیدارەدان و هەروەها بەهۆی هاوکاریی ئەندامانی مەڵبەند و هەموو تێکۆشەرانی یەکێتی توانی بە شێوەیەکی زۆر سەرکەوتووانە پێگەی یەکێتی لە دەڤەرەکەدا بەهێزتر بکات.

وتیشی ئێستا کاک جەزا دەتوانێت بەوپەڕی سەربەرزییەوە ماڵئاوایی لە پۆستەکەی و لە دەڤەری راپەڕین بکات.

لێپرسراوی مەکتەبی سکرتارییەتی سەرۆک مام جەلال، پیرۆزباییشی لە هەڤاڵ حەیدەر سەعید کرد و رایگەیاند: لەناو ئەو هەموو کادر و خەڵکە دڵسۆزەی یەکێتی لە سنوورەکەدا هەیەتی، دەستنیشانکردنی کەسێکی نوێ بۆ ئەو پۆستە کارێکی ئاسان نەبوو، بەڵام پێگە و دڵسۆزی و ئەزموونی دەوڵەمەندی کاک حەیدەر هۆکار بوو بۆ دەستنیشانکردنەکەی.

وتیشی ئێمە دڵنیاین کە هەڤاڵ حەیدەر بە هاوکاری و کاری پێکەوەیی لەگەڵ ئەندامانی مەڵبەند و هەموو تێکۆشەران و یەکێتییە دڵسۆزەکانی سنوورەکە دەتوانێت لەم ئەرکەدا سەرکەوتوو بێت. لەمبارەیەوە پشتیوانیی سەرۆک بافڵ و خۆی و هەموو سەرکردایەتیی یەکێتیشی بۆ دەربڕی.

لە بەشێکی دیکەی وتارەکەیدا، قوباد تاڵەبانی ئاماژەی بە دۆخی ئێستای یەکێتی کرد و رایگەیاند: یەکێتی ساڵ لە دوای ساڵ لە سەر ئاستی کوردستان و عێراق و ناوچەکەدا پێگەی بەهێزتر دەبێت. وتیشی یەکێتیی ئێستا لە بەغدا بووەتەوە بە یەکێتییەکەی مام جەلال و کۆکەرەوەی هەموو لایەنەکان.

سەبارەت بە پێگەی یەکێتی لەسەر ئاستی نێودەوڵەتیش رایگەیاند، ئێستا یەکێتی بەهۆی سیاسەت و هەڵوێستەکانی چەند ساڵی رابردوو و هەروەها بەهۆی سەرکردایەتیی ژیرانەی سەرۆک بافڵەوە لە هەموو ناوەندەکانی بڕیاردانی ناوچەکە و جیهاندا گوێی لێ دەگیرێت و رۆژ لە دوای رۆژیش پێگەی لەسەر ئاستی نێودەوڵەتیدا بەهێزتر دەبێت.

سوپای  ئیسرائیل رایگەیاند، کە لە دوای ئاگربەستی ئەم دواییەی لوبنان یەکەمین هێرشی خۆیان بۆ سەر هێزەکانی حزبوڵا لە باشوری لوبنان ئەنجامداوە.

سوپای ئیسرائیل لە راگەیەندراوێکدا  ئاماژەی بەوەکردوە،  ئۆپەراسیۆنەکە دوای ئەوە بووە،  هێزەکانی حزبوڵا رێککەوتنەکانی ئاگربەستیان پێشێلکردوە و لە هێزەکانی ئیسرائیل نزیکبونەتەوە.

وەک لە راگەیەنداروەکەدا هاتووە؛ سوپای ئیسرائیل بیانویی بۆ هێرشەکە ئەوە بووە، ئەو کەسانە ویستویانە؛ لە سوپای ئیسرائیل نزیک ببنەوە و لە بەرانبەردا هێزی ئاسمانی و زەمینی ئیسرائیل ئەو کەسانەیان لە چەند شوێنێک لە باشوری لوبنان کردوەتە ئامانج.

هەروەها سوپای ئیسرائیل رایگەیاندوە، کە هێرشی تۆپخانەیی بۆ پشتیوانی لە هێزە زەمینییەکان ئەنجامداوە و ژێرخانی حباوڵایان لەناوبردووە، جەختیشی لەوە کردوەتەوە، کە ئەم هێرشە بۆ نەهێشتنی مەترسییەکان ئەنجامدراون.

سوپای ئیسرائیل جەختیکردوەتەوە، کە ئەم ئۆپەراسیۆنانە لە چوارچێوەی رێنماییە سیاسییەکاندا ئەنجام دراون و سوپا دەسەڵاتی ئەوەی هەیە، کە رێوشوێنی پێویست بۆ بەرگریکردن لە خۆی بگرێتەبەر، تەنانەت لە کاتی ئاگربەستیشدا.

ئەم پێشهاتانە تەنها دوو رۆژ دوای جێبەجێکردنی ئاگربەستی نێوان لایەنەکان دێت، ئەمەش نیگەرانی لەبارەی ناسکی رێککەوتنەکە و ئەگەری دووبارەبوونەوەی شەڕ دروستدەکات.

چوارچێوەی هەماهەنگی شیعەكان كۆدەبێتەوە و پێشبینی دەكرێت مالكی بكشێتەوە و كاندیدێكی تر بۆ پۆستی سەرۆك وەزیرانی عیراق دیاری بكرێت.

بەپێی میدیاكانی عیراق، بڕیارە ئێوارەی ئەمڕۆ سەركردەكانی چوارچێوەی هەماهەنگی لە ماڵی عەممار حەكیم سەرۆكی رەوتی حیكمە لە بەغداد كۆببنەوە بە مەبەستی یەكلاكردنەوەی كاندیدی پۆستی سەرۆك وەزیرانی داهاتووی عیراق.

وتەبێژی فراكسیۆنی ئاوەدانكردنەوە و گەشەپێدانیش رایگەیاندووە، تائێستا پابەندن بەو وادە دەستوورییەی لەدوای هەڵبژاردنی سەرۆك كۆمارەوە دیاریكراوە و ئامانجی كۆبوونەوەكەی چوارچێوەی هەماهەنگیش كۆتاییهێنانە بە بنبەستی سیاسیی.

عامر فایز سەركردە لە چوارچێوەی هەماهەنگی دەڵێت، پێشبینی دەكرێت لە كۆبوونەوەكەی ئەمڕۆی چوارچێوەی هەماهەنگیدا نوری مالكی بكشێتەوە و رێككەوتن لەسەر كاندیدێك تر بۆ پۆستی سەرۆك وەزیرانی داهاتووی عیراق بكرێت.