لێپرسراوێكی ئەمریكی ئاشكرایدەكات، ئیدارەی ترەمپ بەنیازی كەمكردنەوەی سزاكانی سەر ئێرانە بۆ ئەوەی بگەن بە رێككەوتن لەبارەی راگرتنی پیتاندنی یۆرانیۆم. 

رۆژنامەی ئیسرائیل هیوم لە زاری لێپرسراوێكی ئەمریكی كە نەیویستوە ناوی ئاشكرا بكرێت بڵاویكردۆتەوە، لە ئێستادا ئیدارەی ترەمپ رەشنوسی رێككەوتنێكی سەرەتایی داوەتە تاران، كە بەپێی بەندەكانی ئەو رێككەوتنە پێویستە ئێران پیتاندنی یۆرانیۆم رابگرێ، لە بەرامبەریشدا ئەمریكا سزاكانی سەر ئێران كەمدەكاتەوە.

ئەو لێپرسراوەی ئەمریكا ئەوەشی خستوەتەروو، ئەمریكا ئەوەی بە روونی بە ئیران ووتوە كە هیچ كات واز لە مەرجی راگرتنی تەواوەتی پێتاندنی یۆرانیۆم لە لایەن تارانەوە ناهێنێت، ئەوەش كاردانەوەی نەرێنیی لای تاران دروستكردووە. 

کارەبای سلێمانی رایگەیاند، نرخی کارەبای مووەلیدەی سیتییەکان بۆ مانگی پێنج دیاریکراوە و هەر کیلۆواتێک بەرانبەرە بە 245 دینار.

بەڕێوەبەرایەتی گشتیی کارەبای سلێمانی رایگەیاند، ئەمڕۆ یەکشەممە، نرخی کارەبای کۆمەڵگەکانی نیشتەجێبوون 'سیتییەکان' بۆ مانگی پێنج دیاریکراوە و هەر کیلۆواتێک بەرانبەرە بە 245 دینار، ئەو سیتییانەشی تاکە سەرچاوەی کارەبایان مووەلیدەیە، هەر کیلۆواتێک بە 229 دینارە.

ئەوەش هاتووە، نرخەکەی بەگوێرەی نرخی گازوایل لە بازاڕەکاندا دیاریکراوە و پێویستە سەرجەم سیتییەکانی سنوری پارێزگای سلێمانی پابەند بن بەو نرخانەی کە دانراون.

کارەبای سلێمانی ئەوەشی خستووەتە روو، ئەگەر هەر خاوەن مووەلیدەیەک پابەند نەبێت بەو نرخە و زیاتر لە هاوبەشانی کارەبا وەربگرن، ئەوا رووبەڕووی رێکاری یاسایی دەکرێتەوە.

وەزارەتی پەروەردەی حکومەتی هەرێم چەند بڕیارێکی نوێی تایبەت بە خوێندکارانی پۆلی 12 بڵاوکردەوە و ئاماژەی بەوەکردووە، ئەمساڵ هیچ جۆرە کۆنفرانسێکی رۆژنامەوانی و مەراسیمێک بۆ راگەیاندنی ئەنجامەکان ناکەن و لەرێگای دیجیتاڵییەوە نمرە دەدرێتەوە بە خوێندکاران.

وەزارەتی پەروەردەی حکومەتی هەرێم چەند بڕیارێکی تایبەت بە راگەیاندنی ئەنجامی تاقیکردنەوەی نیشتمانیی پۆلی 12 راگەیاند، کە تیایدا هاتووە، ئەمساڵ بە رێگای دیجیتاڵی ئەنجامەکان رادەگەیەنرێت و هیچ کۆنفرانسێکی رۆژنامەوانی نابەسترێت.

ئەوەش هاتووە، هیچ پلەبەندییەک و هیچ پێوەرێک لەسەر ئاستی تاک بۆ ناساندنی ئاستەکانی یەکەم و دووەم و سێیەم راناگەیەنرێت و نە وەزارەت نە دامودەزگا پەروەردەییەکان لە هیچ پەروەردەیەکدا مەراسیمی خەڵاتکردن ئەنجام نادەن.

وەزارەتی پەروەردە دەشڵێت، ئەگەر سەرپێچی ئەو خاڵانە بکرێت، ئەوا رێکاری کارگێڕی و یاسایی بەرانبەر سەرپێچیکار دەگیرێتە بەر.

بەپێی بڕیارەکانی پەروەردە، بنەمای هەڵسەنگاندن دەگۆڕێت و رێژە و تێکڕای نمرەی دەرچوونی خوێندکاران دوای راگەیاندنی ئەنجامەکانی خولی دووەم، دەبنە پێوەر بۆ دیاریکردنی ئاستی زانستی خوێندنگەکان، هەروەها "نمرەی پێوانەیی" و "تێکڕای ژمێرەیی" هەر بابەتێکی پۆلی 12، دوای تەواوبوونی خولی دووەم دەبنە بنەمای هەڵسەنگاندنی مامۆستایان.

ئەوەش لە کاتێکدایە، ساڵانی رابردوو بۆ راگەیاندنی ئەنجامەکانی پۆلی 12، کۆنفرانسی رۆژنامەیی دەبەسترا و لە مەراسیمێکدا سێ یەکەمەکەی سەر ئاستی هەرێم رادەگەیەنران و خەڵات دەکران.