عەلی جەمال قەدووری، وتەبێژی پۆلیسی گەرمیان رایگەیاند کە ئەمشەو لە گەڕەکی بەردەسووری قەزای کەلار، منداڵێکی شەش ساڵان بە ناوی (لانۆ سروود سەعدون) بە دەمانچە کوژراوە و تەرمەکەی گەیەندراوەتە نەخۆشخانەی شەهید هەژار.

بەپێی قسەی باوکی منداڵە کوژراوەکە، کاتێک کوڕەکەی لە کۆڵان یاری کردووە، ئاگادار کراوەتەوە کە گوللەی بەرکەوتووە و گیانی لەدەستداوە.

وتەبێژی پۆلیس ئاماژەی بەوەش کرد کە دەستبەجێ پۆلیس چووەتە شوێنی روداوەکە. دوای لێکۆڵینەوە و بەدواداچوون، دەرکەوتووە منداڵێکی 10 ساڵان دەمانچەکەی باوکی، کە کارمەندی هێزە ئەمنیەکانە، لەگەڵ خۆی بردووەتە کۆڵان و گوللەیەکی بەو منداڵەوە ناوە و کوشتوویەتی.

بەپێی بڕیاری دادوەر، منداڵەکە و باوکی منداڵی تاوانبار، بەپێی ماددەی (405) دەستگیرکراون و لێکۆڵینەوە لە روداوەکە بەردەوامە.

بافڵ جەلال تاڵەبانی سەرۆکی یەکێتیی نیشتمانیی کوردستان سەبارەت بە هەڵوەشاندنەوە و چەک دانانی پەکەکە، پەیامێکی بڵاوکردەوە و رایگەیاند: بڕیاری پەکەکە هەنگاوێکی مێژووییە و پێشوازیی لێدەکەین.

 

دەقی پەیامەکەی بافڵ جەلال تاڵەبانی سەرۆکی یەکێتیی نیشتمانیی کوردستان.......

 

بڕیاری پەکەکە بۆ بەدەمەوەچوونی بانگەوازەکەی بەڕێز عەبدوڵا ئۆجەلان و خۆهەڵوەشاندنەوە و چەکدانان لەم قۆناغە هەستیار و چارەنوسسازەدا هەنگاوێکی مێژووییە و پێشوازیی لێدەکەین.

یەکێتیی نیشتمانیی کوردستان وەک هەمیشە پەرۆشە بۆ سەرخستنی پرۆسەی ئاشتی و هاوکار و پشتیوانی هەموولایەک دەبین بۆ سەرخستنی ئەم هەوڵە، پێمانوایە چەکدانان بەشێکی پرۆسەکەیە و دەبێت هەنگاو و بەشەکانی دیکەی پرۆسەکە جێبەجێبکرێت تاوەکو بگەینە ئەو ئامانجانەی هەوڵمان بۆیان داوە.

ئێمە بە شوێن هەنگاوەکانی سەرۆک مام جەلال دا ستراتیجی نیشتمانیی خۆمان ئاڕاستە دەکەین کە وەک یەکەم سەرکردە شانی دایە بەر سەرپێخستنی پرۆسەی ئاشتی، ئەمڕۆش بەردەوامین لە هەوڵەکانمان بۆ سەرخستنی ئەم هەنگاوە مێژووییە.

دووپاتی دەکەمەوە تەنیا رێگا بۆ سەقامگیری لە رۆژهەڵاتی ناوەڕاست چارەسەرکردنی ئاشتییانەی کێشەی کوردە.

هیوام سەرخستنی پرۆسەی ئاشتییە لە باکووری کوردستان و تورکیا تاوەکو لاپەڕەیەکی نوێی سیاسی و دیپلۆماسی لە نێوان سەرجەم لایەنەکان هەڵبدرێتەوە و هەنگاو بۆ کارکردنی پێکەوەیی بنرێت و کاریگەریی ئەرێنی لەسەر تەواوی کوردستان هەبێت.

کەشناسیی هەرێم پێشبینی نوێی بۆ کەشوهەوای ئەمڕۆ و سبەینێ بڵاوکردەوە و ئاماژەی بەوە کردووە، پلەکانی گەرما بەشێوەیەکی بەرچاو دادەبەزن و تاوەباران و هەورەتریشقە دەبێت، لەگەڵ بەردەوامی خۆڵبارین.

کەشناسیی هەرێم رایگەیاند، ئەمڕۆ دووشەممە، ئاسمان لەنێوان هەور و نیمچەهەوردا دەبێت، لەگەڵ کەمێک دابارینی تاوەباران و بروسکە لە ناوچە شاخاوییە سنوریەکانی باکور، هەروەها کەمێک تۆزوخۆڵ لە ناوچەکانی باشوری هەرێم بەرز دەبنەوە.

ئەوەش هاتووە، سبەینێ سێشەممە، ئاسمان لە زۆربەی کاتەکان هەوری تەواو دەبێت، لەگەڵ بوونی تاوەباران و بروسکە بەشێوەیەکی پچڕپچڕ، کە لە ناوچە نیمچەشاخاویی و سنورییەکان کاریگەری زیاتر دەبێت.

بەپێی پێشبینییەکانی کەشناسی، ئەمڕۆ پلەکانی گەرما 2 بۆ 4 پلە و سبەینێش 3 بۆ 5 پلەی سیلیزی نزم دەبنەوە.

کەشناسی هەرێم راشیگەیاندووە، ئەمڕۆ خێرایی با 10 بۆ 25 کیلۆمەتر دەبێت لە سەعاتێکدا و هەندێک جاریش دەگاتە سەروو 30 یلۆمەتر، سبەینێش لە نێوان 10 بۆ 30 کیلۆمەتردا دەبێت و هەندێک جار خێراییەکەی دەگاتە سەروو 50 کیلۆمەتر لە سەعاتێکدا.

بەرزترین پلەکانی گەرمای پێشبینیکراو بە پلەی سیلیزی بۆ سبەینێ:

هەولێر : 30  پلەی سیلیزی

سلێمانی : 27 پلەی سیلیزی

دهۆک : 28  پلەی سیلیزی

کەرکوک : 34 پلەی سیلیزی 

زاخۆ  : 28 پلەی سیلیزی

هەڵەبجە : 31 پلەی سیلیزی

سۆران : 24 پلەی سیلیزی

حاجی ئۆمەران : 16 پلەی سیلیزی

گەرمیان :34 پلەی سیلیزی