چوارچێوەی هەماهەنگی شیعەكان كۆدەبێتەوە و پێشبینی دەكرێت مالكی بكشێتەوە و كاندیدێكی تر بۆ پۆستی سەرۆك وەزیرانی عیراق دیاری بكرێت.

بەپێی میدیاكانی عیراق، بڕیارە ئێوارەی ئەمڕۆ سەركردەكانی چوارچێوەی هەماهەنگی لە ماڵی عەممار حەكیم سەرۆكی رەوتی حیكمە لە بەغداد كۆببنەوە بە مەبەستی یەكلاكردنەوەی كاندیدی پۆستی سەرۆك وەزیرانی داهاتووی عیراق.

وتەبێژی فراكسیۆنی ئاوەدانكردنەوە و گەشەپێدانیش رایگەیاندووە، تائێستا پابەندن بەو وادە دەستوورییەی لەدوای هەڵبژاردنی سەرۆك كۆمارەوە دیاریكراوە و ئامانجی كۆبوونەوەكەی چوارچێوەی هەماهەنگیش كۆتاییهێنانە بە بنبەستی سیاسیی.

عامر فایز سەركردە لە چوارچێوەی هەماهەنگی دەڵێت، پێشبینی دەكرێت لە كۆبوونەوەكەی ئەمڕۆی چوارچێوەی هەماهەنگیدا نوری مالكی بكشێتەوە و رێككەوتن لەسەر كاندیدێك تر بۆ پۆستی سەرۆك وەزیرانی داهاتووی عیراق بكرێت.

بەبۆنەی شەهیدبونی سێ پێشمەرگەی حزبی دیموکراتی کوردستانی ئێران، شاناز ئیبراهیم ئەحمەد، پەیامێکی هاوخەمی بڵاوکردەوە .

لە پەیامەکەدا، شاناز ئیبراهیم ئەحمەد ئاماژەی بەوەکردوە، دیسان خاکی پیرۆزی کوردستان سێ رۆڵەی ئازیزی خۆی لە باوەش گرت و تێکەڵ بە کاروانی سەربەرزی شەهیدانی کردن.

 

دەقی پەیامەکەی شاناز ئیبراهیم ئەحمەد

بە داخ و کەسەرێکی زۆرەوە هەواڵی دڵتەزێنی شەهیدبوونی سێ پێشمەرگەی حزبی دیموکراتی کوردستانی ئێران (شاهین ئازەربەرزین - نەدا ئەمیری – سەمیرا ئەڵڵایاری)م بە هۆی هێرشی درۆنییەوە پێگەیشت.

دیسان خاکی پیرۆزی کوردستان سێ رۆڵەی ئازیزی خۆی لە باوەش گرت و تێکەڵ بە کاروانی سەربەرزی شەهیدانی کردن.

لەگەڵ دەربڕینی هاوخەمی قووڵی خۆم بۆشەهیدبوونی ئەو سێ رۆڵە تێکۆشەرە، هەزاران سڵاو بۆ رۆحی زیندوویان ئەنێرم. بەشداری لە خەمی بنەماڵەکانیان و خەمی هەموو خەڵکی کوردستان ئەکەم بۆ ئەم کۆستە گەورەیە.

 شاناز ئیبراهیم ئەحمەد

وەزارەتی نەوتی عیراق رایگەیاند، لە چەند رۆژی داهاتودا پرۆسەی هەناردەکردنی نەوت لە سەرجەم کێڵگەکانەوە دەستپێدەکاتەوە و ئامادەکاری تەواو بۆ ئەو مەبەستە کراوە.

ئەمڕۆ شەممە، ساحب بەزون، وتەبێژی وەزارەتی نەوتی عێراق  رایگەیان، پەیوەندییان بە کۆمپانیا گەورەکانی گواستنەوەوە کردووە بۆ ئیمزاکردنی گرێبەستی نوێ و دەرگایان بۆ هەموو لایەک واڵایە، بە مەبەستی دەتپێکردنەوەی هەناردەی نەوت.

 ئەم هەنگاوەی وەزارەتی نەوتی عیراق،  ئامانج لێی زیادکردنی داهاتی دەوڵەت، جێگیرکردنی بازاڕ و دابینکردنی غازی ناوخۆییە بۆ وێستگەکانی کارەبا.

لایخۆشیەوە، وەزارەتی گواستنەوەش پێشوازی لە کەشتییەکی گەورە لە بەندەرەکانی بەسڕە کردووە، کە بۆ یەکەمجار دوای کردنەوەی گەروی هورمز، بڕی دوو ملیۆن بەرمیل نەوت باردەکات.