رێكخراوێكی نێودەوڵەتی پێشبینی دەكات ئابووری عیراق لە ماوەی ئەمساڵدا بە رێژەی 6.8% پاشەكشە بكات و هۆكارەكەشی ئاشكرا دەكات
سندوقی نەختی نێودەوڵەتی لە نوێترین راپۆرتیدا هۆشداری دەدات ئابووری عیراق لەماوەی ئەساڵدا روبەڕووی پاشەكشەیەكی گەورە دەبێتەوە، بەپێی پێشبینییەكانی ئەو دامەزراوە داراییە، بەهۆی ئاڵۆزییەكانی رۆژهەڵاتی ناوەڕاست و مەترسییەكانی سەر هێڵە دەریاییەكان، گەشەی بەرهەمی ناوخۆیی عیراق بە رێژەی 6.8% كەمدەكات.

ئاماژەی بەوەشكردووە، بەردەوامی گرژییەكان لە ناوچەكە كاریگەری راستەوخۆی كردووەتەسەر جوڵەی كەشتییە نەوتهەڵگرەكان لە گەرووی هورمز، ئەوەش بووەتە هۆی بەرزبوونەوەی تێچووی گواستنەوە و دڵنیایی و دروستبوونی ئاستەنگ لە هەناردەكردنی نەوت كە سەرچاوەی سەرەكی داهاتی عیراقە.

دامەزراوەكە دەشڵێت، هەرچەندە نرخی نەوت لە بەرزبوونەوەدایە، بەڵام ئەوە بۆ عیراق یارمەتیدەر نییە، چونكە تێچووی هاوردەكردنی كاڵا و پێداویستییەكان بەرز دەبێتەوە و گوزەرانی هاووڵاتیانیش قورستر دەكات، چونكە خەرجییەكانی حكومەت زیاتر دەكات.

سندوقی نەختی نێودەوڵەتی راشیگەیاندووە، عیراق لەبەردەم فشارێكی دوولایەندایە، لە لایەك مەترسی كەمبوونەوەی داهاتی نەوت و لە لایەكی تریش بەرزبوونەوەی خەرجییەكانی حكومەتە بۆ رووبەڕووبوونەوەی قەیرانەكان.

ئەندامێكەی مەكتەبی سیاسی یەكێتی دەڵێت دەرگایان بە روی هەموو لایەنەكاندا كراوەیە بۆ پێكهێنانی حكومەتی نوێی هەرێمی كوردستان
سەعدی ئەحمەد پیرە ئەندامی مەكتەبی سیاسی یەكێتیی نیشتمانیی كوردستان بە كوردسات نیوزی راگەیاند، مەرج نییە هەموو شتێك بەدڵی  پارتی دیموكراتی كوردستان بێت، هەر شتێكیش بەدڵی ئەو نەبێت دەڵێت ئەوە یاساییە.

وتیشی، یەكێتی بۆ پێكهێنانی حكومەتی نوێی هەرێمی كوردستان ئامادەیە و دەرگاشی كراوەیە بۆ هەموو لایەنەكان بۆئەوەی لەسەر پێكهێنانی حكومەت رێكبكەون.

 

ئیسماعیل بەقائی وتەبێژی وەزارەتی دەرەوەی ئێران دەڵێت: دانوستانەکانمان لەگەڵ ئێران بۆ کۆتاییهێنانە بە جەنگ.

وتیشی، ئاڵەگۆڕی لەنێوان وڵاتەکەی و ئەمریکادا لە رۆژانی رابردوودا بەردەوام بووە، بڕیاریشه ئه‌مڕۆ وه‌فدێکی پاکستانی سه‌ردانی تاران بکات و وه‌ڵامی ئه‌مریکا به وردی بگاته دەستیان.

ئاماژەی بەوەشکردووە، پیتاندنی یۆرانیۆم مافی خۆمانە، به‌ڵام ئاست و رێژه‌که‌ی دەکرێت گفتوگۆ و دانوستانی لەسەر بکرێت.

ئەوەشی روونکردەوە، تا ئەو کاتەی لەسەر ئاستێکی گشتگیر لێکتێگەیشتن و رێککەوتن نەکرێت، ناتوانرێت باس لە قبووڵکردن یان رەتکردنەوەی وردەکارییەکانی بکرێت، بەتایبەتی لە بابەتێکی گرنگی وەک شەڕ و ئاشتیی نێوان ئێران و ئەمریکا.