پارێزگاری سلێمانی بۆ دەسەڵاتداران: لە کەیسی شێروان شێروانیی و ھاوڕێکانیدا لە ھەڵەدان
هیوا
٢١ی تەمووزی ٢٠٢٣
د.ھەڤاڵ ئەبوبەکر، پارێزگاری سلێمانی لە پەیامێکدا کە لە ھەژماری خۆی لە تۆڕی کۆمەڵایەتی فەیسبوک بڵاویکردووەتەوە، ئاماژەی بەوەشکردوە، نابێت دەسەڵات و دادگاو حکومڕانان؛ بەگیانی کینە و ڕق و تۆڵە و بە مەیلی تایبەتیی بڕیارەکانیان دەربکەن.
ئەوەشی خستوەتەڕو، ئەوەی دەوڵەت دروستدەکات و دەیپارێزێت و گەشەی پێدەدات ھاووڵاتیانن، بۆیە ھاووڵاتیی بێئیرادە و تێکشکاو و بێمتمانە؛ نەک دەوڵەت دروستناکات بەڵکو دەسەڵاتێکی بێئیرادەو تێکشکاو دروستدەکات.
پارێزگاری سلێمانی دەڵێت، ئازاو ئازادەکان دەوڵەت، ژیانی نوێ، سەروەریی یاسا، دەوڵەتیی یاسا و دادپەروەریی و ئازادیی دەخوڵقێنن، دەسەڵاتدارانیش بزانن یان نەزانن، ویستتانبێت یان نەبێت، لە کەیسی شێروان شێروانیی و ھاوڕێکانیدا لە ھەڵەدان، بۆیە داوایان لێدەکات ھەڵەکانیان راستبکەنەوە و دەڵێت، چەمینەوە لەبەردەم خەڵکدا سەروەرییە.
