بارەگای ناوەندی خاتەمولئەنبیا هۆشداری توند دەداتە ئەمریكا و وڵاتانی ناوچەكە لە هەر هێرشێكی ئەگەری.

بەپێی راپۆرتی ئاژانسی هەواڵی مێهر، بارەگای ناوەندی خاتەمولئەنبیا لە راگەیەندراوێكدا هۆشدارییەكی توندی ئاراستەی ئەمریكا و وڵاتانی ناوچەكە كرد، ئاماژەی بەوە كردووە، بەپێی زانیارییەكانیان، ئەمریكا بۆ پەردەپۆشكردنی شكستەكانی و بە گڵۆپی سەوزی هەندێك وڵاتی ناوچەكە، لە كۆبوونەوەیەكی هاوبەشدا لە ئەوروپا بڕیاری داوە ڕێوشوێنەكانی دژی ئێران دەستپێبكاتەوە.

هەر لە راگەیەندراوەكەدا هاتوو، ئەگەر واشنتۆن هەر هەڵەیەك دژی ئێران بكات، سەرجەم بنكە و بەرژەوەندییەكانی لە ناوچەكەدا دەبنە ئامانجی هێرشی بەردەوام و ئازاربەخش.

هاوكات، هۆشداری درایە وڵاتانی ناوچەكەش كە ئەگەر هاوكاری ئەمریكا ببن، بە هاوبەشی ئەمریكا دادەنرێن و چیتر هێزە چەكدارەكانی ئێرانیش دان بەخۆیاندا ناگرن بەرانبەریان.

 

قەرزی کارەبای پێش پڕۆژەی رووناکی بەبێ هیچ داشکاندنێک دەخرێتە سەر پسوڵەی کارەبای مانگانەوە و قەرزی ماڵان دەبێت لە ماوەی 24 مانگدا بدرێتەوە.

پڕۆژەی رووناکی رایگەیاندووە: قەرزی کۆنی کارەبا دەخرێتە سەر پسوڵەی کارەبای مانگانە، هەروەها قەرزی ماڵان دەبێت لە ماوەی 24 مانگدا بدرێتەوە، بازرگانیی بچوک لە ماوەی 12 مانگ و بازرگانیی گەورەش لە ماوەی 6 مانگدا.

بەپێی راگەیەندراوەکەی پڕۆژەی رووناکی، 90٪ـی هاووڵاتیانی هەرێم کارەبای 24 سەعاتییان بۆدابینکراوە.

پڕۆژەی رووناکی دەڵێت: 80٪ـی هاووڵاتیان، بەتایبەتی کەمدەرامەتان، بەردەوام پارەیەکی کەمتر دەدەن لە جاران بەراورد بە پارەی کارەبای موەلیدە و نیشتمانی.

فالح ساری، وەزیری دارایی عیراق ئاشکرای کرد کە دەقی جێگیرکردنی فەرمانبەرانی گرێبەست و کرێکارانی رۆژانە لەسەر میلاکی هەمیشەیی، خراوەتە نێو پڕۆژەیاسای بودجەی گشتیی فیدراڵی بۆ ساڵی 2027.

وەزارەتی دارایی لە بەیاننامەیەکدا روونی کردەوە کە ئەم بڕیارە لە میانی کۆبوونەوەی کۆمسیۆنی باڵای ئامادەکردنی بودجەدا جەختی لەسەر کراوەتەوە، دوای ئەوەی فەرمانگە پەیوەندیدارەکانی وەزارەتەکە کاری وردیان لەسەر سەرژمێریکردنی ئامارەکان و دیاریکردنی تێچووی دارایی پێویست بۆ بەهەمیشەییکردنیان ئەنجامداوە.

وەزیری دارایی ئاماژەی بەوەش کرد کە ئەم دۆسیەیە لە قۆناغی داواکارییەوە گوازراوەتەوە بۆ قۆناغی رێکارە رسمییەکان تاوەکو لەگەڵ پەسەندکردنی یاساکەدا بچێتە بواری جێبەجێکردنەوە.