پەیامنێری کوردسات نیوز رایگەیاند، دوو گەشتیاری بەرەچەڵەک عەرەب کە لە کوڕێک و دایکی پێکھاتوون و خەڵکی شاری موسڵن، بۆ بەسەر بردنی کاتێکی خۆش روویان لە سنوری قەزای بەردەرەش کردبوو، بەڵام لەروباری خازر خنکاون.

بەوتەی شایەتحاڵەکان، سەرەتا کوڕەکە کەوتووتە ناو ئاوی روباری خازرەوە و پێنج مەتر ئاو بردوویەتی، دایکەکەش ھەوڵیداوە کوڕەکەی لە خنکان رزگاربکات، بەڵام ئەویش کەوتووەتە ناو رووبارەکە و ھەردووکیان خنکاون.

تیمەکانی بەرگری شارستانیی قەزای بەردەرەش، تەرمی دایک و کورەکەیان دۆزیەوە و تەرمەکان رەوانەی پزیشکی دادی دھوک کران.