دۆناڵد ترەمپ، سەرۆکی ئەمریکا، نامەیەکی رەسمی بۆ محەممەد شیاع سودانی، سەرۆکوەزیرانی عیراق ناردووە کە تێیدا راگەیاندووە لە یەکی هەشتەوە 30% پێناسی گومرگی دەخەینە سەر بەرهەمەکانی عێراق.

ئەمڕۆ پێنجشەممە، ترەمپ لە واشنتن بە رۆژنامەنووسانی راگەیاند: ئەم بڕیارە بەشێکە لە سیاسەتی نوێی ئابوری ئەمریکا بۆ پاراستنی بەرهەم و بەرهەمهێنان لە ناوخۆو لە رۆژی هەینی شەوە بە نامە ئەو وڵاتانە لە رێژەی باجەکانی سەریان ئاگادار دەکەینەوە.

سەرۆکی ئەمریکا وتیشی: “بەنامەیەک ئەو وڵاتانە لە وردەکاری باجەکە ئاگاداردەکەینەوە و پێدەچێت لە سبەینێوە دەستبکەین بە ناردنی نامە بۆیان.”

لەو ئاگادارییەدا کە ترەمپ ئاڕاستەی کردوون هاتووە؛ لە کاتێکدا باج لەسەر عیراق هەڵدەگرن کە بۆ بەرهەم هێنان کۆمپانیاکانیان بگوازنەوە بۆ ئەمریکا.

گرژییەكانی هۆزی هەركی و هێزە ئەمنییەكانی هەولێر لە گوندی گردەرەشی سنوری قەزای خەبات بەرەو هێوربوونەوە دەچێت و لەگەڵ نوێنەر سەرۆکی هەرێم لە کۆبوونەوەدان.

بەپێی زانیارییەکانی کوردسات نیوز، بەرپرسی پاسەوانەکانی نێچیرڤان بارزانی لە گوندی گردەڕەشەیە بۆ چارەسەری ئاڵۆزییەکان.

لە بەرەبەیانی ئەمڕۆوە گرژییەكان لەنێوان هێزە ئەمنیەكانی هەولێر و هۆزی هەركی تاڕادەیەك هێور بوونەتەوە، لە ئێستاشدا نوێنەری سەرۆکی هەرێمی کوردستان سەرقاڵی گفتوگۆیە لەگەڵیان بۆ چارەسەری کێشەکە.

بەرەبەیانی ئەمڕۆ وەفدێكی حزبی سەردانی هۆزەكەیان كردووە لە گوندی گردەڕەش و ویستویانە بە رێگەی عەشایەتی كێشەكە چارەسەر بكەن، بەڵام لە بەرامبەردا هۆزی هەركی مەرجی ئەوەیان هەبووە هێزە ئەمنیەكان گوندەكە چۆڵ بكەن و دۆخەكە هێور بكەنەوە.

بەپێی زانیارییەکانی کوردسات نیوز، هێزە ئەمنیەكان فەرمانی دادگایان پێیە بۆ دەستگیركردنی خورشید هەركی كەسایەتی هۆزی هەركی، بەڵام دەستگیر نەکراوە و دەیان كەسی هۆزەكەش بە چەكەوە روبەڕووی هێزە ئەمنیەكان بوونەتەوە و رێگەیان نەداوە نزیك ببنەوە.

لە ئەنجامی شەڕ و رووبەڕووبوونەوەكانی هەردوولا، حەوت کەس لە ناو هۆزی هەرکی و هێزە ئەمنییەکان بوونەتە قوربانی.

ژمارەی گیانلەدەستدان بەهۆی لافاوەكەی تەكساسەوە 100 كەسی تێپەراند، 161 كەسی دیكەش بێسەروشێنن.

حاكمی ولایەتی تەكساسی ئەمریكا رایگەیاند، بەهۆی بەردەوامی بارانی بەخوڕ و دروستبوونی لافاو تا ئێستا زیاتر لە 109 كەس گیانیان لەدەستداوە كە 28 یان منداڵن، هەروەها زیاتر لە 160 كەسی دیكەس بێسەروشوێنن.

حاكمی تەكساس راشیگەیاند، تیمەكانی فریاكەوتن لە گەران بەدوای بێسەروشێنبواندا بەردەوامن

رۆژی دوو شەممەی رابردوو دۆناڵد ترەمپ سەرۆكی ئەمریكا ولایەتی تەكساسی بە ناوچەی كارەساتبار ناساند و فەرمانكرد هاوكاری زیاتر رەوانەی ئەو ولایەتە بكرێت.