میدیاکانی رۆژئاوای کوردستان گرتەڤیدیۆی سوتانی ئۆتۆمبێلەکەیان بڵاوکردووەتەوە و ئاماژە بۆ ئەوە دەکەن، شەوی رابردوو فڕۆکەی بێفڕۆکەوانی تورکیا ئۆتۆمبێلێکی ھێزەکانی سوریای دیموکرات-ھەسەدەی لە گوندی سنجاقی شێخ لە عامودێ-ی سەر بە پارێزگای حەسەکە بۆردوومان کردووە و دەستبەجێ دوو ئەندامی ئەو ھێزە کوژراون.

ھەروەھا بەرەبەیانی ئەمڕۆ تورکیا چوار گوندی کۆبانێ و سێ گوندی تل تەمری لە رۆژئاوای کوردستان تۆپباران کرد.

ماوەی دوو ھەفتەیە تورکیا ھێرشی ئاسمانی دەکاتە سەر باکور و خۆرھەڵاتی سوریا، بەھۆیەوە چەندین ھاووڵاتی و ئەندامانی ھەسەدە و سەربازی سوپای سوریا کوژراون، دەیان خانوو و خوێندنگە و مزگەوت و فەرمانگەش خاپوور کراون.