د. بڕیار رەشید ئەندامی فراکسیۆنی یەکێتی لە ئەنجومەنی نوێنەرانی عێراق رایگەیاند، بۆ جاری دووەم لەم ھەفتەیدا لەگەڵ د.ئیحسان عەبدول جەبار وەزیری نەوتی حکومەتی فیدڕاڵ کۆبوونەوە و وەزیری نـەوت بڕیاریدا بەشە نـەوتی سپی پێویست بۆ پارێزگای سلێمانی دابین بکات و بڕەکـەی لە پانزە ملیۆن لیتر زیاتربێت و پێشھاتنی وەرزی سەرما بگاتە سلێمانی و دابەشبکرێت.

وتیشی، بەدواداچوونیان کردووە بۆ داواکارییەکی پێشووتریان لەسەر زیادکردنی بەشە بەنزینی سلێمانی، کە پێشتر وەزیری نەوت رەزامەندی لەسەر دابوو، بەڵێنیدا بەشی زیادکراوی بەنزین لە جۆری نۆرمال بە کوالیتی و نرخی پارێزگاکانی تری عێراق لە ھەفتەی داھاتوو راستەوخۆ رادەستی پارێزگای سلێمانی دەکرێت.