کەشناسیی هەرێم پێشبینییەکانی کەشوهەوای ئەمڕۆ و سبەینێی بڵاوکردەوە و ئاماژەی بەوەکردووە، سبەینێ هەینی خۆڵبارینێکی کەم بەردەوام دەبێت، بەڵام پلەکانی گەرما نزمتر دەبنەوە بەراورد بە ئەمڕۆ.

کەشناسیی هەرێم رایگەیاندووە، ئەمڕۆ پێنجشەممە، ئاسمان ساماڵ دەبێت لەگەڵ بوونی تۆزێکی کەم لە کەشدا، هەروەها بەردەوامی خۆڵبارین بەتایبەت لە ناوچەکانی باشوری هەرێم.

ئەوەش هاتووە، سبەینێ هەینی، بەهەمان شێوە ئاسمان ساماڵ دەبێت، بەڵام خۆڵبارین بە رێژەیەکی کەم بەردەوام دەبێت.

بەپێی پێشبینییەکان، ئەمڕۆ خێرایی با زیاد دەکات و دەگاتە 25 کیلۆمەتر لە سەعاتێکدا، بەڵام سبەینێ خێراییەکەی کەمتر دەبێت و لەنێوان 10 بۆ 20 کیلۆمەتردا دەبێتی.

کەشناسیی هەرێم ئەوەشی خستووەتە روو، ئەمڕۆ پلەکانی گەرما کەمێک بەرزتر دەبنەوە بەراورد بە دوێنێ، بەڵام سبەینێ 1 بۆ 2 پلەی سیلیزی نزمتر دەبنەوە بەراورد بە ئەمڕۆ.

 

بەرترین پلەکانی گەرمای پێشبینیکراو بۆ سبەینێ بەم جۆرە دەبن:

هەولێر :  38 پلەی سیلیزی 

سلێمانی : 37 پلەی سیلیزی

دهۆک :  38  پلەی سیلیزی

کەرکوک : 41 پلەی سیلیزی 

زاخۆ  :  39 پلەی سیلیزی

هەڵەبجە :38 پلەی سیلیزی

سۆران :  38 پلەی سیلیزی

حاجی ئۆمەران : 28 پلەی سیلیزی

گەرمیان :41  پلەی سیلیزی

قائیمقامییەتی سلێمانی رایگەیاند، لە مانگی شەشی ئەمساڵدا بە بڕی 61 ملیۆن دینار سزای پێبژاردنی ئەو شوێنانە دراوە کە سەرپێچی رێنماییەکانیان کردووە و 21 شوێنی کاریش داخراون.

قائیمقامییەتی سلێمانی ئاماری کار و چالاکییەکانی لیژنە هاوبەشەکانی بۆ مانگی رابردوو بڵاوکردەوە و ئەوەی خستووەتە روو، شەش هەزار و 770 سەردانیان ئەنجامداوە، کە لەو سەردانانەدا 127 شوێنکار ئاگادار کراونەتەوە و زیاتر لە 26 تۆن ماددەی بەسەرچووش لەناوبراوە.

بەپێی ئامارەکانی قائیمقامییەت، هەر بەهۆی سەرپێچییەکانەوە 21 شوێنی بارزگانی داخراون، کە لە رابردوودا ئاگادارکردنەوەیان هەبووە، بەڵام پابەندی رێنماییەکان نەبوون و جارێکی دیکە سەرپێچییان ئەنجام داوە، هەروەها سێ شوێنکاریش دراون بە دادگا.

 

بەراورد بە مانگی ئایار

بەراورد بە مانگی ئایار ژمارەی سەردانەکانی لیژنەکە کەمتر بووە، کە لە مانگی پێنجدا شەش هەزار و 29 سەردان ئەنجام دراوە، بەڵام ژمارەی سزادان بە پێبژاردن بووە بە دوو هێندە، بەجۆرێک لە مانگی پێنجدا بە بڕی 30 ملیۆن و 25 هەزار دینار سزای پێبژاردن هەبووە، بەڵام لە مانگی شەشدا سزاکە بۆ 61 ملیۆن بەرزبووەتەوە.

لەلایەکی دیکەوە لە مانگی پێنجدا بڕی 87 تۆن و 416 کەلوپەل و خۆراک لەناوبراون کە شیاوی بەکارهێنان نەبوون، بەڵام لە مانگی شەشدا بڕەکە بۆ 26 تۆن و 29 کیلۆگرام کەمبووەتەوە.

هاوکات، لە مانگی پێنجدا 741 سەرپێچێ ئەنجامدراون، بەڵام لە مانگی شەشدا ژمارەی سەرپێچییەکان کەمبووەتەوە بۆ 452 سەرپێچی.

ماوەی هەفتەیەكە شەپۆلێكی گەرما بەشێك لە وڵاتانی ئەوروپای گرتووەتەوە، بەهۆیەوە تا ئێستا هەشت كەس گیانیان لەدەستداوە كە زۆرینەیان بەتەمەن بوون.

بەهۆی ئەو شەپۆلە گەرما بەتینەی كە وڵاتانی رۆژئاوا و باشووری ئەوروپای گرتووەتەوە، لێپرسراوانی چەند وڵاتێكی وەك ئیتاڵیا و فەرەنسا و ئەڵمانیا و ئیسپانیا و پرتوگال و كرواتیا شارەوانی و تەندروستی وڵاتەكانیان خستووەتە خستووەتە حاڵەتی ئامادەباشیی، هەروەها هۆشداری پرتەقاڵییان راگەیاندووە كە بەرزترین ئاستی هۆشدارییە بۆ كەشوهەوا.

هاوكات تەندروستی ئەوروپا رایگەیاندوە، بەهۆی هاتنی ئەو شەپۆلی گەرماوە كە تا ئێستا لە هەندێك ناوچەكە 40 پلەی سیلیزی تێپەڕاندوە، لانیكەم هەشت كەس گیانیان لەدەستداوە، كە زۆرینەیان كەسانی بەتەمەنن، لەو ژمارەیەش سیانیان لە فەرەنسا بوون.

بەهۆی گۆرانكارییەكانی كەشوهەواوە ماوەی سێ ساڵە لەسەر یەك بەشێك لە وڵاتانی ئەوروپا لەم وەرزەدا رووبەروی شەپۆلی گەرمای بەتین دەبنەوە، ، بەڵام چاوەڕواندەكرێت ئەمساڵ ئاستی پێوانەیی تۆمار بكات و بۆ یەكەمجاریش لە مێژوودا 46 پلەی گەرما لە ئیسپانیا تۆمار كرا.