نوری مالیكی سەرۆكی دەوڵەتی یاسا لەگەڵ وەفدێكی باڵای حزبەكەی گەیشتە هەولێر بۆ ماوەی یەك رۆژ دەمێنێتەوە، بەپێی زانیارییەكان نوری مالیكی لەگەڵ لێپرسراوانی پارتی دیموكراتی كوردستان كۆدەبێتەوە، كوردسات نیوز زانیویەتی  نوری مالیكی لە كۆبوونەوەكەدا داوا لە پارتی دەكات پشتگری بكات بۆ ئەوەی جارێكی تر ببێتەوە بە سەرۆك وەزیرانی عێراق و هەورەها چارەنووسی پرۆسەی هەڵبژاردن تەوەرێكی تری كۆبوونەوەكە دەبێت. هاتنی نوری مالیكی بۆ هەرێم لەكاتێكدایە بریارە رۆژی پێنج شەممە لایەنە سەرەكییەكانی شیعە لەعێراق لەبارەی چارەنووسی هەڵبژاردن كۆببنەوە، میدیاكانی عێراق باس لەوە دەكەن لایەنە شیعەكان رێككەوتوون لەسەر دواخستی هەڵبژاردن بۆ مانگی نیسانی 2022.