دوای نزیكەی 45 رۆژ لە دەستپێكردنی دەنگدان لە رێگەی پۆستەوە، ئەمڕۆ هەڵبژاردنی نیوەی خولی كۆنگرێسی ئەمریكا بەڕێوەدەچێت.

ئەمڕۆ هەڵبژاردنی نیوەی خولی ئەمریكا  بە بەشداری 210 ملیۆن دەنگدەر دەستپێدەكات، دوای ئەوەی لە ناوەڕاستی مانگی ئەیلولەوە دەنگدان لە رێگەی پۆستە و پێشوەخت دەستپێكردووە.
لەو هەڵبژاردنەدا كێبڕكێ لەسەر 435 كورسی ئەنجومەنی نوێنەران و 35 كورسی لە كۆی 100 كورسی ئەنجومەنی پیران دەكرێت، لە 36 ویلایەتیشدا پارێزگارە نوێیەكان هەڵدەبژێردرێن.

لەو هەڵبژاردنەی ئەمریكا ئەگەر دیموكراتەكان زۆرینەی ئەنجومەنی پیران بەدەستبهێنن، دەسەڵاتی رەتكردنەوە یان دواخستنی كاندیدەكانی ترەمپیان دەبێت بۆ پۆستە باڵاكان و دادگای فیدراڵی ئەمریكا.

210 ملیۆن دەنگدەری ئەمریكی بەشداری لە هەڵبژاردنی نیوەی خولی ئەمریكا دەكەن بۆ دیاریكردنی دەسەڵاتەكانی دۆناڵد ترەمپ لە نیوەی دووەمی خولی سەرۆكایەتییەكەیدا.

سبەینێ هەڵبژاردنی نیوەی خولی ئەمریكا كۆتایی پێدێت كە تیایدا كێبڕكێ لەسەر 435 كورسییەكەی ئەنجومەنی نوێنەران و 35 كورسی لە كۆی 100 كورسییەكەی ئەنجومەنی پیران دەكرێت، هەروەها لە 36 ویلایەتیشدا پارێزگارە نوێیەكان هەڵدەبژێردرێن.

گرنگیی ئەم هەڵبژاردنە كۆنتڕۆڵكردنی كۆنگرێس و دەسەڵاتی بانگهێشتكردن و سەرپەرشتیكردنی لیژنە گرنگەكان دەداتە پارتی براوە، ئەوەش رێگە بە پارتی براوە دەدات لێكۆڵینەوە لە دەسەڵاتی جێبەجێكردنی سەرۆكی وڵات بكەن یان رێگری لێ بكەن.

ئەگەر دیموكراتەكان زۆرینەی ئەنجومەنی پیران بەدەستبهێنن، دەسەڵاتی رەتكردنەوە یان دواخستنی كاندیدەكانی ترەمپ بۆ پۆستە باڵاكان و دادگای فیدراڵی دەبێت.

 لە كۆتاییشدا، بەبێ رەچاوكردنی ئەنجامەكانی ئەم هەڵبژاردنە ترەمپ ناتوانێت بۆ خولی سێیەم خۆی كاندید بكاتەوە.

سەرۆكی ئەمریكا هۆشداری دەدات لە یەكلاكردنەوەی قەیرانی ئێران بە رێگەی سەربازی ئەگەر بێت و دانوستانەكان شكست بهێنن و دەڵێت، گفتوگۆكان تا سەر بەردەوام نابن.

دۆناڵد ترەمپ سەرۆكی ئەمریكا لە لێدوانێكی رۆژنامەوانیدا لەبارەی ئاڵۆزییەكانی نێوان وڵاتەكەی و ئێرانەوە رایگەیاند، ئاستەنگەكانی بەردەم گەیشتن بە چارەسەری دیپلۆماسی و گرفتی سەرەكیی ئەمریكا دیاریكردنی ئەو لایەنەیە كە باوەڕپێكراوە لەناو ئێراندا و دەكرێت گفتوگۆی راستەقینەی لەگەڵدا بكرێت.

ئاماژەی بەوەش كرد، تا ئێستا بڕیاری هێرشێكی سەربازیی یەكلاكەرەوە لە ئێران نەدراوە لەبەر ئەوەی ئەو وڵاتە خوازیاری ئەنجامدانی گفتوگۆ و دانوستانە لەگەڵ ئەمریكا.

جەختیشیكردەوە، لەگەڵ ئەوەی ئێرانییەكان بەردەوامن لە پەرۆشییان بۆ دیالۆگ، بەڵام رەوشەكە تا سەر بەم شێوەیە نامێنێتەوە و لەوانەیە لە قۆناغێكی دیاریكراودا ئەمریكا ناچار بێت پەنا بۆ هێزی سەربازی ببات بۆ ئەوەی بە یەكجاری كۆتایی بە كێشەی ئەتۆمیی ئێران بهێنێت.