ماڵپەری شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە زیاتر لە 10 ملیار دینارە.

ئەمڕۆ هەینی، ماڵپەری شەفافییەت بڵاویکردەوە، داهاتی یەک هەفتەی سلێمانی لە رۆژی(12ـی 9ـی 2026 بۆ 18ـی 9ـی 2026) داهاتی نانەوتی، لە سلێمانی و هەڵەبجە و هەردوو ئیدارەی راپەڕین و گەرمیان، 10 ملیار و 750 ملیۆن و 779 هەزار دینار بووە.

ئاشکراشیکرد،  لەو داهاتە لە  89%ی بەشێوەی نەختینەیە و 11%ی داهاتەكە بەشێوەی چەكە و بەراورد بە هەفتەی رابردوو داهات کەمی کردوە.

ماڵپەڕی شەفافییەت ئەوەشی خستوەتەڕوو، داهاتی ئەم هەفتەیە بە بەراورد هەفتەی رابردوو زیاتر لە ملیارێک دینار کەمی کردووە.

جێگەی ئاماژەیە، پڕۆژەی شەفافییەت لە داهات و خەرجی، لەسەر راسپاردەی قوباد تاڵەبانی جێگری سەرۆک وەزیرانی هەرێم دامەزرا، ئێستا رۆژانە لە رێگەی ئەو ماڵپەڕەوە دەتوانیت سەرجەم داهاتە نانەوتییەکانی هەردوو پارێزگای سلێمانی و هەڵەبجە و ئیدارە سەربەخۆکانی راپەڕین و گەرمیان بزانیت.