مەکتەبی سیاسی یەکێتی بەبۆنەی جەژنی رەمەزانەوە، پەیامێکی بڵاوکردەوە و تێیدا هاتووە؛ پیرۆزباییەكی گەرم لە گشت موسڵمانانی  كوردستان و عیراق و جیهان دەكەین ،  یەزدانی مەزن عیبادەت و نزا و رۆژوەكانی  ئەم مانگە پیرۆزە لە گشت لایەك قبوڵ بكات .

دەقی پەیامەکە

بە بۆنەی هاتنەوەی جەژنی رەمەزانەوە ، پیرۆزباییەكی گەرم لە گشت موسڵمانانی  كوردستان و عێراق و جیهان دەكەین ،  یەزدانی مەزن عیبادەت و نزا و رۆژوەكانی  ئەم مانگە پیرۆزە لە گشت لایەك قبوڵ بكات .

 نزا دەكەین ئەم جەژنە ببێتە مایەی خێر بۆ گەڕانەوەی ئاشتی و ئۆقرەیی لە ناوچەكەدا  و كۆتایی هێنان بەو جەنگە نەخوازراوەی  ناوچەكەی گرتۆتەوە.

دووبارە لە گشت لایەك پیرۆز بێت و شاد و بەختەوەر بن 

مەكتەبی سیاسی

یەكێتیی نیشتمانیی كوردستان

 بەبۆنەی جەژنی رەمەزانەوە، بافڵ جەلال تاڵەبانی، سەرۆکی یەکێتی نیشتمانی کوردستان پەیامێکی بڵاوکردەوە و تێیدا هاتووە، لە دڵەوە پیرۆزبایی گەرم لە موسڵمانانی هەرێمی کوردستان، عیراق و جیهان دەکەم و هیوای سەلامەتی و کامەرانییان بۆ دەخوازم.

سەرۆکی یەکێتی ئاماژەی بەوەشکردوە، لەکاتێکدا پێشوازی لەم جەژنە پیرۆزە دەکەین، ناوچەکە لەبەردەم ئاڵنگاری و پێشهاتی سەختدایە، بۆیە ئەرکی هەموو لایەکمانە هەوڵەکانمان یەکبخەین و بە گیانی پێکەوەیی و نیشتمانییەوە کاربکەین بۆ پاراستنی سەقامگیری و ئارامی وڵاتەکەمان

دەقی راگەیەندراوەکەدا

بەبۆنەی جەژنی رەمەزانی پیرۆزەوە، لە دڵەوە پیرۆزبایی گەرم لە موسڵمانانی هەرێمی کوردستان، عیراق و جیهان دەکەم و هیوای سەلامەتی و کامەرانییان بۆ دەخوازم.

لەکاتێکدا پێشوازی لەم جەژنە پیرۆزە دەکەین، ناوچەکە لەبەردەم ئاڵنگاری و پێشهاتی سەختدایە، بۆیە ئەرکی هەموو لایەکمانە هەوڵەکانمان یەکبخەین و بە گیانی پێکەوەیی و نیشتمانییەوە کاربکەین بۆ پاراستنی سەقامگیری و ئارامی وڵاتەکەمان تاوەکو نەهێڵین گەلەکەمان ببێتە قوربانی ململانێکان.

خوای گەورە رۆژوو و پەرستشی مانگی رەمەزانی هەمووانی قبووڵ کردبێت و وڵات و گەلەکەمان بپارێزێت.

بافڵ جەلال تاڵەبانی

سەرۆکی یەکێتیی نیشتمانیی کوردستان

فریدریش مێرتزی راوێژکاری ئەڵمانیا رایگەیاند، ئەوان  بڕیاریانداوە دەستوەردان لە لە رۆژهەڵاتی ناوەڕاستدا ناکەن، تا ئەو کاتەی جەنگی ئەمریکا  وئیسرائیل بەرانبەر بە ئێران بەردەوام بێت، ئەو دەڵێت؛ کاتێك رۆڵیان دەبێت، کە چەکەکان بێ دەنگ بن.

ئەمڕۆ پێنجشەممە، فریدریش مێرتز لە پەراوێزی لوتکەی برۆکسل راگەیاندوە، رۆڵی ئەڵمانیا بە مەرجی وەستانی شەڕ و پێکدادانەکانە و جەختی لەوە کردەوەتەوە؛" تەنها کاتێک مامەڵە دەکەن، کە دەنگی چەکەکان بێدەنگ بووبێت".

ناوبراو ئاماژەی بەوەشکردوە، دەتوانن زۆر شت بکەن، لەوانە کردنەوەی رێڕەوی دەریایی و دابینکردنی ئاسایش بۆ کەشتییەکان،  بەڵام تا شەڕەکە بەردەوامە، ئەمە ناکەن.

ئەم قسانەی راوێکاری ئەڵمانیا لە کاتێکدایە، دۆناڵد ترەمپ رەخنەی لە وڵاتانی ئەوروپا گرتووە و رایگەیاندووە، ئەوان هاوکاری ئەمریکایان نەکردووە لە بەڕێوەبردنی دەرئەنجامەکانی ئەو شەڕە، کە زۆرێک لە وڵاتانی یەکێتی ئەوروپا بە نایاسایی دەزانن.

هەر ئەمڕۆش هەریەکە لە وڵاتەکانی بەریتانیا، فەرەنسا، ئەڵمانیا، ئیتاڵیا، هۆڵەندا و ژاپۆن، لە راگەیەندراوێکی هاوبەشدا، بە توندی سەرکۆنەی هێرشەکانی ئەم دواییەی ئێرانیان بۆ سەر کەشتییە بازرگانییەکان لە کەنداودا کرد و داواش دەکەن دەستبەجێی هێرشەکان بۆ سەر دامەزراوە نەوتی و غازییەکان رابگیرێت.