ئیسرائیل کاتز، وەزیری بەرگری ئیسرائیل رایگەیاند، لە بۆردومانی دوێنێ شەودا ئـیسماعیـل خەتیـبـی وەزیـری هەواڵگـری ئێران کراوەتە ئامانج و دڵنیابونەتەوە لە کوژرانی، ئاماژەی بەوەشکردوە تەواوی بەرپرسە ئێرانییەکان دەکەنە ئامانج.

وەزیری بەرگری ئیسرائیل رایگەیاند، لەگەڵ بنیامین ناتانیاهۆی سەرۆک وەزیران بڕیاریانداوە بۆ کوشتنی هەر لێپرسراوێکی ئێران، سوپای وڵاتەکە پێویستیان بە رەزامەندی نەبێت و راستەوخۆ کارەکە ئەنجام بدەن.

ئیسرائیل کاتز جەختیکردوەتەوە، ئەو جەنگی دەتستیان پێکردوە لەگەڵ ئێران و حزبوڵای لوبنان بەردەوامی پیدەدەن و  فراوانتری دەکەن.

کاتز ئەوەشی خستوەتەڕوو، بەلای ئەوانەوە هیچ بەرپرسێکی ئێرانی پاریزبەندی نییە و هەموویان بێ جیاوازی دەکرێنە ئامانجی هێرشەکانیان.

 

نرخی زێڕ لە بازاڕەکانی جیهاندا  بەردەوامە لە گۆڕان و ئەمڕۆ بە شێوەیەکی بەرچاو دابەزی و  ئۆنسەیەک لە کانزا زەردەکە  بە چوار هەزار  و 992 دۆلار  مامەڵەی پێوەدەکرێت؛ هاوکات یەک مسقاڵ زێری عەیارە 21 لە بازاڕەکانی هەرێم بە ملیۆنێک و  147هەزار دینارە.

ئەمڕۆ چوارشەممە، لە بازاڕەکانی جیهاندا، یەک ئۆنسە زێڕ بە چوار هەزار  و 992 دۆلار مامەڵەی پێوەدەکرێت، دوای بەرزبونەوەکەی لە ئیستادا رۆژ لە دوای رۆژ بەهای کانزا زەردەکە نزمدەبێتەوە.

 شارەزایانی بوارەکە هۆکارەکەی بۆ بونی جەنگی ئێران بەرانبەر ئەمریکا و ئیسرائیل خواستی زۆر لەسەر نەوت دەگێڕنەوە.

 

لە بازاڕەکانی هەرێمیش بەم شێوەیە مامەڵە بە زێڕەوە دەکرێت؛

زێڕی عەیار 18 به 923 هەزار دینارە

زێڕی عەیار 21 به ملیۆنێک و 147 هەزار دینارە

زێڕی عەیار 22 به ملیۆنێک و 77 هەزار دینارە

زێڕی عەیار 24 به ملیۆنێک و 128 هەزار دینارە

کەشناسی هەرێم بڵاویکردوەتەوە، ئەمڕۆ ئاسمان ساماڵ و پەڵەهەور دەبێت و سبەینێش باران بارین دەستپێدەکات و شەپۆلەکەش چەند رۆژێک بەردەوام دەبێت 

ئەمڕۆ چوارشەممە، ‎بەڕێوەبەرایەتی گشتی کەشناسی و بوومەلەرزەزانی هەرێم پێشبینی بۆ 48 سەعاتی داهاتوو بڵاوکردوەتەوە و بە گوێرەی پێشبینییەکان ئەمرۆ باران نابارێت و پلەکانی گەرما یەک بۆ دوو پلە بەرز دەبنەوە.

لە بارەی کەشی سبەینێشەوە، کەشناسی دەڵێت؛ تا کاتەکانی نیوەڕۆ ئاسمان ساماڵ و پەڵە هەور دەبێت و لە دوانیوەڕۆوە باران بارین دەستپێدەکات  و کاریگەری شەپۆلەکە بۆ چەند رۆژێک بەردەوام دەبێت.

کەشناسی  ئاماژەی بەوەشکردوە، بارانبارینەکە هەورەتریشقەی لەگەڵدایە و لە درەنگانی شەویشدا، لە سنووری باشوری پارێزگای هەولێر و بەشێک لە سنوری پارێزگای دهۆک و پارێزگای کەرکووک دەگۆڕێت بۆ لێزمە باران.

 

بەرزترین پلەکانی گەرمای پێشبینیکراو بە پلەی سیلیزی بۆ رۆژی پێنجشەممە بەمشێوەیە؛

هەولێر: 19 پلەی سیلیزی

پیرمام: 15 پلەی سیلیزی

سۆران: 18 پلەی سیلیزی

حاجی ئۆمەران: 9 پلەی سیلیزی

سلێمانی: 20 پلەی سیلیزی

چەمچەماڵ: 21 پلەی سیلیزی

دهۆک: 18 پلەی سیلیزی

زاخۆ: 19 پلەی سیلیزی

هەڵەبجە: 21 پلەی سیلیزی

گەرمیان: 23 پلەی سیلیزی