'دەست بەسەر نزیکەی شەش تۆن پەتاتەی خراپبوو و یەک تۆن خۆراکی تێکچوو و 35 کارتۆن جگەرەدا گیراوە'
هەساو ئەمیر
٢٤ی تەمووزی ٢٠٢٥
قائیمقامییەتی سلێمانی رایگەیاندووە، دەست بەسەر نزیکەی شەش تۆن پەتاتەی خراپبوو و زیاتر لە یەک تۆن خۆراکی تێکچوو و 35 کارتۆن جگەرەدا گیراوە، کە خاوەنەکانیان بەنیازبوون لە بازاڕەکاندا ساغیان بکەنەوە.
قائیمقامییەتی سلێمانی رایگەیاند، له ئه‌نجامی سه‌ردان و پشكنینی لیژنه هاوبه‌شه‌كان بۆ دوكان و بازاڕ و شوێنه گشتییه‌كان و هه‌موو ئه‌و كۆگایانه‌ی كاڵاوشمه‌كییان تێدا عه‌مبار ده‌كرێت، دەست به‌سه‌ر پێنج تۆن و 700 كیلۆگرام په‌تاته و زیاتر له تۆنێك خوارده‌مه‌نی دیكه‌ی جۆراوجۆردا گرتووه، كه شیاوی خواردن و به‌كارهێنان نه‌بوون، به‌ڵام خاوه‌نه‌كانیان به‌نیازبوون به هاووڵاتیانی بفرۆشن.
ئاماژەی بەوەشکردووە، به‌ڕێوه‌به‌رایه‌تی ئاسایشی سلێمانی ده‌ستی به‌سه‌ر 35 كارتۆن جگه‌ره‌ی خراپبوودا گرتووه، بۆ له ناوبردنیشی ره‌وانه‌ی قائیمقامیه‌تی كردووه.
لەلایەکی دیکەوە قائیمقامییەتی سلێمانی سوپاسی چەند کۆمپانیا و دوکاندارێکی کردووە، کە لیژنەکانیان لە هەبوونی زیاتر لە پێنج تۆن شیرەمەنی و 500 کیلۆگرام بەهاران و یەک تۆن و 200 کیلۆگرام خواردەمەنی جۆراوجۆر ئاگادار کردووەتەوە، بۆ لەناوبردنیان.
ئەوەش هاتووە، سەرەڕای لەناوبردنی سەرجەمیان لەناوچەی دەرەوەی نیشتەجێبوون، ئەو شوێنانەی پەتاتە و جگەرە خراپبووەکە تێیدا دەستی بەسەردا گیراوە، رووبەڕووی رێکاری یاسایی دەکرێنەوە.
