نرخی نەوت بۆ نزمترین ئاست لە ماوەی زیاتر لە چوار ساڵدا دابەزی
٥ی ئایاری ٢٠٢٥
نرخی نەوت بۆ نزمترین ئاست لە ماوەی زیاتر لە چوار ساڵدا دابەزی و نرخی بەرمیلێك نەوتی برێنت گەیشتە خوار 60 دۆلار.
ئەمڕۆ لەگەڵ كردنەوەی بازاڕەكانی جیهاندا، نرخی بەرمیلێك نەوتی برێنت 3.5% دابەزی و گەیشتە 59 دۆلار و 17 سەنت، نرخی نەوتی تەكساسیش 3.8% دابەزی و گەیشتە 56 دۆلار و 8 سەنت.
ئەوە یەكەمین جارە لەماوەی چوار ساڵ و نیودا نرخی نەوت بگاتە خوار 60 دۆلار، دابەزینی نرخەكەش دوای ئەوە بوو كە رێكخراوی ئۆپیك پڵەس رایگەیاند، ئاستی بەرهەمهێنان لە مانگی حوزەیرانی داهاتوودا خێرا دەكەن.
بەپێی ئەو بڕیارە، سعودیە و روسیا و شەش وڵاتی دیكەی ئەندامی ئۆپیك پڵەس لەنێویاندا عیراق، لە مانگی حوزەیرانەوە رۆژانە 411 هەزار بەرمیل نەوتی دیكە بەرهەمدەهێنن، لەكاتێكدا بڕیار بوو زیادكردنەكە 137 هەزار بەرمیلی رۆژانە بێت.
