سەرچاوە ئێرانییەکان بە تۆڕی (CNN)یان ڕاگەیاندووە، کە بڕیارە ڕۆژی دووشەممە خولێکی نوێی دانوستانەکان لە نێوان وەفدی ئێران و ویلایەتە یەکگرتووەکانی ئەمریکا لە "ئیسلام ئاباد"ی پایتەختی پاکستان دەستپێبکاتەوە.

هاوکات لەگەڵ ئامادەکارییەکان بۆ گەیشتنی شاندەکان، دۆناڵد ترەمپ، سەرۆکی ئەمریکا لە چاوپێکەوتنیدا لەگەڵ (بلومبێرگ) و (ئەکسیۆس) گەشبینی خۆی نیشاندا و ڕایگەیاند: "پێشبینی دەکەم لە ماوەی یەک دوو ڕۆژدا بگەنە ڕێککەوتنی ئاشتی". ترەمپ جەختی لەوەش کردەوە کە زۆربەی خاڵە سەرەکییەکان یەکلایی کراونەتەوە و ئەگەری هەیە لە کۆتایی هەفتەدا کۆبوونەوەیەکی نوێ ئەنجام بدرێت.

لەلایەکی تریوە، ڕەزا ئەمیری موقەدەم، باڵیۆزی ئێران لە پاکستان، ستایشی هەوڵەکانی بۆ سەرخستنی دیپلۆماسی کرد و ئاماژەی بەوە دا کە دەستپێکردنەوەی گفتوگۆکان هاوکاتە لەگەڵ دوو گۆڕانکاری گرنگ لە ناوچەکەدا کە بریتییە لە ڕاگەیاندنی ئاگرەبەست لە نێوان لوبنان و ئیسرائیل ودووبارە کردنەوەی گەرووی هورمز لەلایەن ئێرانەوە بەڕووی هاتوچۆی کەشتیوانیدا.

جێی وەبیرهێنانەوەیە، خولی یەکەمی دانوستانەکان لە ١١ی نیساندا بەبێ ڕێککەوتنی کۆتایی کۆتایی هات. سەرەڕای هەبوونی کەشێکی جددی، بەڵام ناکۆکی قووڵ لە نێوان هەردوولا لەسەر چەند دۆسێیەک مابووەوە، لەوانە:

لیۆنێل مێسی، ئەستێرەی ئەرجەنت و  یانەی ئینتەر میامی، لەگەڵ یەکێتیی تۆپی پێی ئەرجەنتین روبەڕووی سکاڵایەکی یاسایی بوونەتەوە کە لەلایەن کۆمپانیای(Fed Music Group) لە دادگای ناوچەی مایامی-دەید تۆماری کردووە، کۆمپانیاکە مێسی و یەکێتی تۆپی پێی ئەرجەنتینی بە فێڵکردن و پێشێلکردنی گرێبەست تۆمەتبار کردووە.

کۆمپانیاکە مێسی بەوە تۆمەتبار دەکار،  کە بنەمای گرێبەستێکی 7 ملیۆن دۆلاریی شکاندووە، بەهۆی ئەوەی ساڵی رابردوو بەشداریی لە یارییەکی نمایشیدا نەکردووە و بەڵێنی بەشداریکردنیشێ داوە.

بەپێی بەڵگەنامەکانی دادگا، کۆمپانیاکە، مافی تایبەتی رێکخستنی یارییە دۆستانەکانی ئەرجەنتینی بەرانبەر ڤەنزوێلا و پۆرتۆ هەبووە، بەو مەرجەی مێسی کەمتر لە 30 خولەک یاری بکات، بەڵام مێسی لە یاریی یەکەمدا تەنیا وەک بینەر لەنێو یاریگا بووە و رۆژی دواتر بۆ یانەی ئینتەر میامی یاریی کردووە.

کۆمپانیاکە جەخت دەکاتەوە کە بەهۆی ئامادەنەبوونی مێسی و کەمبوونەوەی فرۆشی بلیتەکان، ملیۆنان دۆلار زیانیان بەرکەوتووە.

سەرەڕای تۆمارکردنی سکاڵەکە لەلایەن کۆمپانیایی (Fed Music Group) تا ئێستا مێسی و یەکێتی تۆپی پێی  ئەرجەنتینیهیچ لێدوانێکی رەسمیان لەسەر ئەو کەیسە نەداوە.

ڕێکخراوی ژنانى نەتەوە یەکگرتووەکان ڕایگەیاندووە کە لە نێوان تشرینی یەکەمی ٢٠٢٣ و کۆتایی ٢٠٢٥دا، زیاتر لە ٣٨,٠٠٠ ژن و کچ لە غەززە کوژراون بەهۆی هێرشەکانی ئیسرائیلەوە، کە تێکڕای کەمتەری ٤٧ قوربانییە لە ڕۆژێکدا.

ئاژانسەکە ڕایگەیاند کە زیاتر لە ٣٨,٠٠٠ ژن و کچ لە ماوەی دوو ساڵدا بەهۆی هێرشە ئاسمانییەکان و ئۆپەراسیۆنە زەمینییەکانەوە کوژراون، کە تێکڕای کەمترین ژمارە ٤٧ قوربانیی مێینە دەکات لە ڕۆژێکدا، کە زیاتر لە ٢٢,٠٠٠ ژن و ١٦,٠٠٠ کچ لەخۆدەگرێت، لە کاتێکدا هۆشداری دەدات کە ژمارە ڕاستەقینەکان لەوانەیە زیاتربن بەڵام بەهۆی سەختییەکانەوە تۆمارنەکراون.

وتەبێژی ئاژانسەکە، سۆفیا کاڵترۆپ، ڕوونیکردەوە کە ژمارەی قوربانییان و گیانلەدەستدان لەنێو ژنان و کچاندا لەوەی خولەکانی پێشووی شەڕی غەززە تۆمارکراوە زیاترە، و ئاماژەی بەوەدا کە ڕزگاربووان ڕووبەڕووی مەترسیی توندی ڕۆژانە دەبنەوە لەوانەش برسییەتی، ئاوارەبوونی دووبارە، و کۆت و بەندی توند لەسەر دەستڕاگەیشتن بە خزمەتگوزارییە سەرەکییەکان.

تا کۆتایی ساڵی ٢٠٢٥، ئامارە فەرمییەکان و مەزەندەکانی نەتەوە یەکگرتووەکان ئاماژەیان بەوە کردبوو کە کۆی گشتیی قوربانیانی وگیانلەدەستداو لە غەززە گەیشتووەتە دەیان هەزار کەس.