بافڵ جەلال تاڵەبانی، سەرۆکی یەکێتیی نیشتمانیی کوردستان، ئەمڕۆ لە کەرنەڤاڵی ناساندنی کاندیدانی لیستی 222ی یەکێتی لە سلێمانی، وتارێکی گرنگی پێشکەش کرد. لە وتارەکەیدا، جەختی لەسەر پێگەی یەکێتی و ئامانجەکانی بۆ خولی داهاتووی پەرلەمانی عیراق کردەوە.

سەرۆک بافڵ تاڵەبانی رایگەیاند: "ژمارە 222 بۆ کوردستان و عیراق زۆر گرنگە." هاوکات، ئاماژەی بەوەدا کە یەکێتی "هیچ حزبێک بە کێبڕکێکاری خۆی نازانێت و تەنها کێبڕکێکاری یەکێتی خۆیەتی." ناوبراو یەکێتیی بە "حزبی شەهیدان و تێکۆشەران" وەسف کرد.

سەرۆکی یەکێتی دووپاتیکردەوە، یەکێتی لە بەغداد کار بۆ تەواوی کوردستان دەکات و ئامانجی سەرەکییان "خزمەتکردنی کۆمەڵانی خەڵکە بەبێ جیاوازی،" وەک لایەنەکانی تر جیاوازی ناکەن. وتیشی: "پێویستە حکومەتێک دابمەزرێت کە ڕێگەمان پێبدات خزمەتی هاووڵاتیان بکەین، و تا دڵنیا نەبین ڕێگە بە دامەزراندنی حکومەت نادەین."

بافڵ تاڵەبانی جەختی لەسەر پاراستنی ئاسایش و ئارامی هاووڵاتیان کردەوە و ئاماژەی بەوەدا کە "بەرنامەی یەکێتی خزمەتکردنە بەبێ جیاوازی." لە بەشێکی تری وتارەکەیدا، سەرۆک تاڵەبانی باسی لە دۆسیەی نەوت کرد و وتی: "دۆسیەی نەوتمان رزگار کرد، داهاتی نەوت تەنها بۆ گیرفانی لایەنێک بوو."

هەروەها سەرۆکی یەکێتی داوای لە کاندیدانی لیستەکەی کرد خزمەتی کەسوکاری شەهیدان و گەنجان بکەن، و پەیامێکی ئاراستەی لایەنگرانی کرد کە "سندوقەکانی دەنگدان سەوز بکەن و دەنگ بە یەکێتی بدەن."

لەکۆتاییدا، سەرۆک بافڵ ئاماژەی بەوەدا کە "یەکێتی هەرگیز درۆ لەگەڵ دەنگدەرانی ناکات و ئەوەی یەکێتی کردوویەتی بە هیچ لایەنێک ناکرێت." جەختی لەسەر ئەنجامدانی گۆڕانکاری راستەقینە و پابەندبوون بە جێبەجێکردنی بەڵێنەکان کردەوە و رایگەیاند کە کۆتایی بە بانگەشەی هەڵبژاردن لە بەغداد دەهێنن. 

بە ئامادەبوونی بافڵ جەلال تاڵەبانی ئەمرۆ یەكەمین كەرنەڤاڵی ناساندنی كاندیدانی لیستی 222ی یەكێتی نیشتمانی كوردستان لە سلێمانی بەڕێوەدەچێت و تێیدا سەرۆك بافڵ وتارێك پیشكەش دەكات.

پەیامنێری كوردسات نیوز  رایگەیاند كەرنەڤاڵەكە لە هۆڵی ساڵح عەلی بەڕێوەدەچێت و تێیدا بافڵ جەلال تاڵەبانی سەرۆكی یەكێتی دوای ناساندنی كاندیدانی لیستی 222ی یەكێتی، لە وتارێكدا باس لە ستراتیژ و سیاسەتی یەكێتی بۆ خولی داهاتووی ئەنجومەنی نوێنەرانی عیراق دەكات.

ئەوەشی خستەڕوو، سەرۆك بافڵ لە وتارەكەیدا تیشك دەخاتە سەر كارنامە و سیاسەتی یەكێتی بۆ باشتركردنی رەوش و ژیان وگوزەرانی هاوڵاتییان لە كابینەی داهاتووی حكومەتی عیراقدا

قوباد تاڵيبانی لە میانی کۆبونەوەی لەگەڵ  هاووڵاتیان و لایەنگرانی یەکێتی لە نازەنین رایگەیاند، راستییەکی تاڵە، بەڵام حاشاهەڵنەگرە لە دوای نەخۆشکەوتنی سەرۆک مام جەلال کە حزوری یەکێتی لە بەغدا لاوازبوو، کە پێگەی یەکێتی لە کوردستانیش لاوازبوو، دۆخی ئابووری و ژیان و گوزەرانی خەڵکی کوردستانیش لاواز بوو.

ئەمڕۆ پێنجشەممە، قوباد تاڵەبانی لەمیانی سەردانەکانیدا لە نازەنین قسەی بۆ هاوڵاتییان و لایەنگرانی یەکێتی کرد و ئاماژەی بەوەدا؛ هەمووان دەزانن چەندین بڕیاری ستراتیژیی هەڵە دران کە ژیان و گوزەرانی خەڵکی کوردستانیان تێکدا و پێگەی هەرێم و قەوارەی هەرێمیان خستە مەترسییەوە.

دەشڵێت؛ لەگەڵ برای بەڕێز و خۆشەویستم کاکە شاڵاو و هەروەها برای خۆشەویستم کاک لیوا ئەیوب و لەناو کۆڕی هەڤاڵانمان لە نازەنین، جەختیان کردەوە کە ئەم یەکێتییەی ئەمڕۆ بەهێزترە لە هەر کاتێكی دیکە و خاوەنی بڕیاری خۆیەتی.

ئاماژەی بەوەشکردوە؛ ئەم یەکێتییە بە سەرۆکایەتیی سەرۆک بافڵ کێشەکانی خەڵکی کوردستان لە بەغداوە چارەسەر دەکات و رێگە نادات کەس بە بڕیار و سیاسەتی هەڵە جارێکی تر ژیان و گوزەرانی خەڵک و داهاتووی هەرێم بخاتە مەترسییەوە.

جەختیشیکردوەتەوە لەوەی کە با بۆ هەموو لایەک روون و ئاشکرابێت، یەکێتی خاوەنی قسەی خۆیەتی، وەکچۆن هاوسەنگی هێزی رێکخستەوە، وەکچۆن لە کەرکوک قسە و بەڵێنی خۆی بردەسەر، وەکچۆن بەبێ رەزامەندی یەکێتی و سەرۆک بافڵ حکومەتی هەرێم پێکنایەت، بە دڵنیاییشەوە ئەمجارەش قسەی خۆی دەباتەسەر و لە بەغداوە کێشەکانی هەرێم چارەسەر دەکات.

قوباد تاڵەبانی رایدەگەیەنێت، بۆ هەموو لایەک دەرکەوتووە ئەم یەکێتییەی ئێستا بە سەرۆکایەتیی بافڵ جەلال تاڵەبانی یەکێتییەکی بەهێزە و دەتوانێت مافەکانی خەڵکی کوردستان لە بەغداد گەرەنتی بکات.

ئەمڕۆ چوارشەممە، قوباد تاڵەبانی لەگەڵ هەڤاڵانی سێکتەری دەنگدانی تایبەت لە هەولێر کۆبوونەوە و رایگەیاند، بۆ هەموو لایەک دەرکەوتووە ئەم یەکێتییەی ئێستا بە سەرۆکایەتیی بافڵ جەلال تاڵەبانی یەکێتییەکی بەهێز و تۆکمە و خاوەن بڕیارە، لە هیچ بڕیارێک ناترسێت کە لە بەرژەوەندیی خەڵکی کوردستاندا بێت و جێبەجێشی دەکات.

هاوکات قوباد تاڵەبانی لە دیدارەکەدا، بە هەڤاڵانی سێکتەری دەنگدانی تایبەتی لە هەولێر راگەیاند: ئەرکی گەورەیان لەسەر شانە، هەم دەبێت لە رۆژی هەڵبژارندا ئاسایشی پرۆسەکە بە تەواوی بپارێزن و هەم لە ماوەی بانگەشەشدا هەوڵ بدەن نەک هەر ئەندامانی خێزانەکانیان، بەڵکو زۆرترین کەس لەناو دۆستان و کەسوکاری خۆیاندا هان بدەن بۆ بەشداریکردن لە هەڵبژاردن و دەنگدان بە یەکێتی، چونکە تەنها یەکێتی دەتوانێت مافەکانی خەڵکی کوردستان لە بەغداد گەرەنتی بکات.

قوباد تاڵەبانی رایدەگەیەنێت، بژاردەی دروست بۆ دەنگدەر لە هەر هەڵبژاردنێکدا، دەنگدانە بە لایەنێک، کە بەهێز و کاریگەر و حیساب بۆکراو بێت و داواکارییەکانی خەڵکی پێ جێبەجێ بکرێت و بە کردار سەلماندبێتی کە هەوڵی بۆ داوە، ئەمەش تەنیا بە یەکێتی دەکرێت.

قوباد تاڵەبانی، لەگەڵ هەڤاڵانی بازنەی ٦ی ئازادیی هەولێر کۆبووەوە و رایگەیاند، بژاردەی دروست بۆ دەنگدەر لە هەر هەڵبژاردنێکدا، دەنگدانە بە لایەنێک کە بەهێز و کاریگەر و حیساب بۆکراو بێت، لە بڕیارە گرنگ و چارەنووسسازەکاندا رۆڵی کاریگەر و یەکلاکەرەوە ببینێت، بەشێکی گرنگی ویست و داواکارییەکانی خەڵکی پێ جێبەجێ بکرێت و بە کردار سەلماندبێتی کە هەوڵی بۆ داوە و هەوڵی زیاتریشی بۆ دەدات، ئەمەش تەنیا بە یەکێتی دەکرێت.

لە کۆتایی دیدارەکەدا قوباد تاڵەبانی روونیکردەوە، یەکێتی لە دوای ٢٠٠٣ـەوە زیاتر لە هەر لایەنی دیکە بەرگریکار و دابینکەری مافەکانی خەڵکی کوردستان بووە لە بەغداد، لە ئێستاشدا تەنها یەکێتییە بەپێی سەنگ و پێگە و ئەزموونە دەوڵەمەندەکەیەوە دەتوانێت مافەکانی خەڵکی کوردستان لە بەغداد بپارێزێت.

قوباد تاڵەبانی، لە کۆبوونەوەی لەگەڵ هەڤاڵانی بازنەکانی 1ی سۆران و 20ی پیرزین و شاوێس و 21ی پیرمام، رایگەیاند: "مێژوو شایەتە کە هیچ هێزێک وەک یەکێتی لە بەغداد خۆی بە بەرپرسیار نەزانیوە بەرامبەر بە پێگەی هەرێم و چارەنووسی خەڵکی کوردستان."

قوباد تاڵەبانی جەختی لەوە کردەوە کە یەکێتی "نە قەت ئامادەبووە لە یەک مافی دەستووریی کوردستان خۆش بێت و نە سەرکێشیشی کردووە بە چارەنووس و ژیان و گوزەرانی خەڵکەوە."

ناوبراو رونیشی کردەوە، یەکێتی بە داکۆکییە سەرسەختانەکەی لە مافەکانی خەڵکی کوردستان، هێزێکی جێی متمانەی کۆمەڵانی خەڵکی کوردستانە. هاوکات بەهۆی هەڵوێست و سیاسەتە واقیعبینانە و دوور لە سەرکێشییەکانیەوە، جێی متمانەی لایەنە عیراقییەکانیشە.

هەر بۆیە، قوباد تاڵەبانی وتی، "جێی خۆیەتی دەنگدەرانی یەکێتی متمانەیان بە دەنگی خۆیان و بە سەنگ و پێگەی یەکێتی هەبێت."

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ هادی عامری، سەرۆکی هاوپەیمانیی فەتح لە بەغداد کۆبوونەوە و باس لە چارەسەرکردنی کێشەکانی هەرێم و بەغداد و بەڕێوەچونی هەڵبژاردنێکی بێگردیان کرد.

ئەمڕۆ یەکشەممە، لە میانی کۆبوونەوە و سەردانە فراوانەکانیدا، بافڵ جەلال تاڵەبانی، سەرۆکی یەکێتیی نیشتمانیی کوردستان هادی عامری، سەرۆکی هاوپەیمانیی فەتح لە بەغداد کۆبوونەوە.

لە کۆبوونەوەکەدا نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عیراق ئامادەیبوون، بە گرنگییەوە ئاماژە بە پەیوەندی دۆستانە و لەمێژینەی نێوان هەردوولا کرا.

جگە لە باسکردنی هەلومەرجی سیاسیی عیراق و پرسی هەڵبژاردن، جەخت لە بەڕێوەچوونی هەڵبژاردنێکی پاک و بێگەردیش کرایەوە.

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ موسەنا سامەڕائی، سەرۆکی ھاوپەیمانیی عەزم کۆبووەوە و باس لە چارەسەرکردنی کێشەکانی هەرێم و بەغداد و بەڕێوەچونی هەڵبژاردنێکی بێگردیان کرد.

ئەمڕۆ یەکشەممە، لە میانی کۆبوونەوە  و سەردانەکانیدا، بافڵ جەلال تاڵەبانی، سەرۆکی یەکێتیی نیشتمانیی کوردستان لەگەڵ موسەنا سامەڕائی، سەرۆکی ھاوپەیمانیی عەزم لە بەغداد کۆبووەوە.

لە کۆبوونەوەکەدا چارەسەرکردنی تەواوەتی کێشەکانی نێوان هەرێمی کوردستان و عیراق لەسەر بنەمای دەستوور و رێککەوتنە سیاسییەکان بە گرنگ زانرا.

پرسی هەڵبژاردنی ئەنجوومەنی نوێنەرانی عیراق خرایە بەر باس و جەخت لە بەڕێوەچوونی هەڵبژاردنێکی پاک و بێگەردیش کرایەوە.

ئەندامێكی مەكتەبی سیاسی یەكێتی دەڵێت، بەرنامەی حزبەكەی کە ئاوەدانکردنەوە  خزمەتگوزاری زیاترە، بە یەكێتییەكی بەهێز دەكرێت.

سەعدی ئەحمەد پیرە ئەندامی مەكتەبی سیاسی یەكێتیی نیشتمانیی كوردستان لە كۆنفرانسێكی رۆژنامەوانیدا رایگەیاند، بەرنامەی ئاوەدانكردنەوە و خزمەتگوزاری و پێشخستنی هەرێمی كوردستان بە كێتییەكی بەهێز دەكرێت، لە ناو ئەنجومەنی نوێنەران.

ئاماژەی بەوەشکرد؛  سەردانی سەرۆك بافڵ بۆ بەغداد، بۆ بەهێزكردنی پەیوەندییەكان و باشترکردنی رەوشی دارایی هەرێمە.

لەبارەی دڕاندنی فلێكس و پۆستەری كاندیدەكانی یەكێتیش، وتی، ئەگەر بەهێزی چەكدار ئەو كارە بكرێت، كارێكی خراپە و پێویستە لایەنەكەن لە ئاستی بەرپرسیارێتیدا بن و رێگە نەدەن رەوشی سیاسی و هەڵمەتی هەڵبژاردن بشێوێنرێت.

قوباد تاڵەبانی لە کۆبونەوەی لەگەڵ هەڤاڵانی بازنەی ١٣ی بەحرەکە و بازنەی حەوتی کوڕان رایگەیاند؛ یەکێتی پێیوایە پرۆسەی گەشەپێدانی هەرێمی کوردستان هاوکات لەگەڵ سەقامگیریی سیاسی و ئەمنی، پێویستیی بە سەقامگیریی داراییشە.

ئاماژەی بەوەشکرد؛ لەپێناو سەقامگیریی دارایی و بووژانەوەی بازاڕدا هەموو توانای خۆیان چڕکردووەتەوە بۆ رێککەوتنێکی گشتگیر و بنەڕەتی لەگەڵ بەغداد.

 لە کۆبونەوەکەدا قوباد تاڵەبانی باسی لە هەوڵەکانی سەرۆک بافڵ تاڵەبانی کرد لە بەغداد و جەختیکردەوە جێی خۆیەتی وەک ئەندازیاری رێککەوتن ناوی بهێنرێت و داواشی لە هەڤاڵان کرد بچنە ناو جەماوەری خۆشەویستی هەولێر و روونی بکەنەوە دەنگدان بە یەکێتی، دەنگدانە بە رێککەوتن و سەقامگیریی دارایی لە هەرێمی کوردستان.

پارێزگاری کەرکوک و سەرۆکی لیستی ٢٢٢ی یەکێتیی نیشتیمانیی کوردستان داوا دەکات، لە چوارچێوەی کێبڕکێیەکی هێمنانە و دوور لە بێزارکردن و پەستکردنی هاووڵاتیان، هەڵمەتەکانی بانگەشەی هەڵبژاردن بەڕێوەبچێت.

رێبوار تەها پارێزگاری کەرکوک و سەرۆکی لیستی ٢٢٢ی یەکێتیی نیشتیمانیی کوردستان لە راگەیەنراوێکدا بڵاویکردەوە، لەم قۆناغە هەستیارەی بانگەشەی هەڵبژاردندا، کە پرۆسەیەکی دیموکراسییانەیە بۆ نوێکردنەوەی متمانە و هەڵبژاردنی نوێنەرانی راستەقینەی خەڵک، بۆ ئەنجوومەنی نوێنەرانی عێراق، پاراستنی ئاشتی و سەقامگیریی شارەکەمان، ئەرکێکی نیشتمانی و ئەخلاقیی سەرشانی هەموو لایەک و دەنگدەرێکی ئازیزی پارێزگاکەمانە.

پارێزگاری کەرکوک، داوا لە هەموو گەنجان و لاوان و تەواوی جەماوەری دڵسۆزی کەرکوک دەکات، کە بە گیانێکی شارستانیانە و لە چوارچێوەی کێبڕکێیەکی هێمنانە و دوور لە بێزارکردن و پەستکردنی هاووڵاتیان، هەڵمەتەکانی بانگەشە بەڕێوەببەین و رێز لە تەواوی رەنگ و دەنگ و پێکهاتە جیاوازەکان بگرن.

رێبوار تەها راشیگەیاندووە، داوا لە تەواوی جەماوەری دڵسۆزی یەکێتی و لایەنگرانمان دەکەم، بە شێوازێکی مەدەنیانە و دوور لە هەر جۆرە گرژییەک، نموونەی باڵای هەڵمەتێکی مەدەنیانەبن و کار بۆ سەرخستنی لیستەکەمان بکەن و کار بۆ سەرخستنی لیستی ٢٢٢ی یەکێتیی نیشتمانیی کوردستان بکەن، کە لیستی خزمەت و پاراستنی مافی هەموو کەرکوکییەکانە، و پێویستە هەڵبژاردن ببێتە مایەی بەهێزکردنی پایەکانی دیموکراسی، نەک تێکدانی شیرازەی کۆمەڵایەتیمان.

راشیگەیاند، با هەموومان پێکەوە بیسەلمێنین کە ئارامیی کەرکوک و پێکەوەژیانی نێوان پێکهاتەکانی، لە سەرووی هەموو بەرژەوەندییەکی سیاسییەوەیە.

قوباد تاڵەبانی رایگەیاند؛ تا یەکێتی نیشتمانی بەهێزتر بێت پێگەی ژنان بەهێزترە، دەشڵێت؛ نە بانگەشەیە و نە دروشم، یەکێتیی نیشتمانیی کوردستان گەورەترین و بەهێزترین حزبی داکۆکیکارە لە مافەکانی ژنان لە هەموو عیراقدا.

ئەمرۆ شەممە، قوباد تاڵەبانی لە مایانی کۆبونەوە لەگەڵ سێکتەری ژنانی هەولێر ئاماژەی بەوەدا یەکێتی بەهێزترین حزبی داکۆکیکارە لە پرسی ژنان.

باسی لەوەشکردوە؛ لە کاتی نووسینی رەشنووسی دەستوور و لە کاتی پەسەندکردنی یاساکان لە پەرلەماندا یەکێتی رۆڵی سەرەکی و بنەڕەتی هەبووە لە چەسپاندنی مافەکانی ژنان.

ئەوەشی بەبیرهێنانەوە، کە یەکێتی لە هەمووان زیاتر پێداگری کرد لە جێگیرکردنی رێژەی لە ٪٢٥ی کورسی کۆتایی ژنان لە دەستووری عیراقدا.

قوباد تاڵەبانی داواشی لێکردن  تەواوی هەوڵی خۆیان بدەن، تا لەپێناو بەهێزترکردنی پێگەی ژنان و پاراستنی مافەکانیان، لەناو ژناندا زۆرترین دەنگ بۆ یەکێتی کۆبکەنەوە.

قوباد تاڵەبانی جێگری حکومەتی هەرێمی کوردستان رایگەیاند؛ خەڵکی هەرێمی کوردستان چاوەڕوانی ئەوەیان لە حکومەت هەیە ژیان و گوزەرانی باشیان بۆ دابین بکات، بەڵام ئەگەر پێگەی کورد لە بەغداد بەهێز نەبێت ناتوانن لە ئاست داخوازییەکانی خەڵکدا بن، جەختیشیکردەوە چارەسەری کێشەکان لە بغداد تەنها بە یەکێتی دەکرێت.

ئەمڕۆ چوارشەممە، قوباد تاڵەبانی جێگری حکومەتی هەرێمی کوردستان لە پێگەی خۆی لە فەیسبووک بڵاویکردوەتەوە؛ لە کۆبونەوەیان لەگەڵ هەڤاڵانی سێکتەری حکومەت لە هەولێر جەختی لە چارەسەرکردنی کێشەکان لە بەغدادەوە کردەوە.

دەشڵێت؛ ئەزمموونی سەردەمی مام جەلال و ئەزموونی سێ ساڵی رابردووی سەرۆک بافڵ سەلماندوویانە تا پێگەی یەکێتی لە بەغدا بەهێزتر بێت، هەرێم پارێزراوتر و بەهێزتر بووە.

قوباد تاڵەبانی ئاماژەی بەوەشکردووە؛ بۆ هەموان دەرکەوت تا پێگەی یەکێتی بەهێتر بێت دۆخی خەڵكیش باشتر دەبێت، جەختیشیکردەوە چارەسەری کێشەکان لە بغداد تەنها بە یەکێتی کراوە و دەکرێت.

قوباد تاڵەبانی لە  کۆبوونەوەی لەگەڵ لیژنەی باڵای یەکێتی بۆ هەڵبژاردن لە پارێزگای هەولێر کۆبووەوە و جەختی کردەوە، ئامانجیانە لەم هەڵبژاردنەدا لە هەولێر یەکێتی سەرکەوتنی گەورە تۆماربکات.

قوباد تاڵەبانی لە تۆڕی کۆمەڵایەتی فەیسبوک رایگەیاند، دەبێت هەموو هەڤاڵێکی یەکێتی بە گوڕوتینێکی زیاتر لە هەر کاتێکی دیکە هەوڵ بدات زۆرترین دەنگدەر بۆ یەکێتی کۆبکاتەوە.

ئاشکراشیکرد،  یەکێتی دەیەوێت ئەو پرۆسەیەی چەند ساڵێکە دەستی پێ کردووە بۆ چارەسەرکردنی یەکجاریی کێشەکانی نێوان هەرێم و بەغداد، بە هێزێکی زیاترەوە بە کۆتایی بگەیەنێت و رێگری بکات لە کێشە دروستکردن و قووڵکردنەوەی ناکۆکییەکان.