د.لەتیف رەشید سەرۆک کۆماری عیراق، ئەمڕۆ یەکشەممە، پێشوازیکرد لە موحسن مەندەلاوی سەرۆکی هاوپەیمانی ئەلئەساس .

لە سەرەتای دیدارەکەدا، موحسن مەندەلاوی پرسەو سەرەخۆشی خۆی ئاراستەی سەرۆک کۆمار کرد بەبۆنەی کۆچی دوایی شەماڵ جەمال رەشیدی برایانەوە.

هەر لە دیدارەکەدا، باس لەدوایین پێشهاتە هەنوکەییەکانی بارودۆخی سیاسی کرا و جەختیان لەگرنگی درێژەدان بەدیالۆگی نیشتیمانی و دانوستانی بنیاتنەر لەنێوان فراکسیۆنە براوەکان کردەوە بۆ خێراکردنی یەکلاکردنەوەی شایستە دەستوورییەکان و دەستەبەرکردنی پێکهێنانی حکومەتێک کە لەئاست خواستەکانی هاووڵاتیاندا بێت و سەقامگیری سیاسی بپارێزێت.